大量之人眉高眼，眉眼相定不忧悲，眉粗眼细不相当，寅年吃了卯年粮。

眉压眼嘅人，除咗分辨能力差之外，重系气量小嘅表现，所以眉眼嘅距离大番少少，个人样样都可以睇开啲，加上眉有动象，眼头有番咁上下尖，就唔单止有量度，重有番咁上下嘅分辨能力。 眉眼相定，就系眉眼相配，在面相上面眉眼所占嘅比重超过一半，包括咗兄弟宫、田宅宫、子女宫、夫妻宫、疾厄宫，重有最重要嘅印堂，即系命宫，面相十二宫之中占咗六个，如果眉眼部位生得靓，眉眼相配，就真系一世都唔使忧。 眉粗眼细不相当，眉眼唔相配，唔相配无问题。 呢度嘅不相当系指眉粗压目，除咗鬼佬之外，因为鬼佬双眼好深，眼深不忌眉压目，但系眼平就最忌眉压目，呢啲人田宅宫窄，窄就肯定佢先使未来钱，如果再加上眉心濶，唔使讲就一定会俾人呃钱，唔单止先使未来钱咁简单。

印堂三表是钨基，只怕下长来犯之，假如水星来救护，不教人受此寒饥。

表..系表表者，即系最好。 钨基..即系根基。 印堂三表..即系印堂有三样野最紧要，第一无纹，第二要宽濶，第三要饱满。 即系印堂系成块面里面最靓嘅位，下长就系印堂下面有横纹，印堂下面有横纹就系疾厄宫有横纹，无论命宫点靓都无用，因为有横纹就令到印堂嘅气唔能够直冲财星，一生人必有一次大波折，就会令到下半生好潦倒，但系如果有个靓嘅口，即系水星，就会对晚年嘅运气有所帮助，所以口形靓系着数好多。

上头虽有些模样，下停不均却坏之，鹤脚之人成小辈，蛮蹄孤子是婆姨。

鹤脚..即系直，蛮蹄..即系平扁足，婆姨..即系工人。 上头同下停相对，即系上停好靓，下停唔得，例如甲字面，额同眉眼生得几靓，都系上半生嘅事，如果下停生得差，晚年点都无咁好，呢度嘅不均即系同上停唔相配，浄系上停好，下停唔好都系好烦嘅。 鹤脚即系无脚瓜廊，一支棍咁嘅脚，就系小辈，呢个小辈并唔系晚辈，而系做细嘅，所以一般人话好靓嘅脚就代表咗呢个女人嘅婚姻一定唔美满，所谓唔美满系话坐唔正，凡亲脚靓嘅女人，就算做得到元配都唔到尾。 蛮蹄孤子即鸭脚，呢啲人以前统称贱，即系低级，话呢啲人智慧低，同时无魄力，最主要就系唔可以长时间工作，好容易攰，智力较为差啲。

八岁十八二十八，下至山根上至髪，有无活计两头消，三十印堂莫带煞。

呢度系讲少年运，八至十八系细路嘅运，只系反影咗父母嘅运气，同埋自己嘅身体状况。 但系十八至二十八呢十年就唔同，位置就系成个额，所以话由山根至额顶，话计系智慧，有无智慧就要睇额嘅两边，两边额角饱满，就自然有智慧，如果两边额角向下凹，或者向后退，就自然代表呢个人无乜智慧，凡事唔会由大处着眼，只系执着在啲小事上面，浪费好多时间。 三十印堂莫带煞并唔系话印堂位系三十岁，而系话想少年行运，印堂一定唔可以带有煞气，如果有煞气就唔使慌在三十岁前有运行，乜野系印堂嘅煞气呢，包括咗凹，有直纹，有横纹，有毛都系印堂嘅煞气一种。

下颏趫大旺末年，边城不佐也无钱，数年荒寒不欠米，只因上下库相连。

下颏即系地阁位，边城即系两边理财位，上下库即系额同地阁。 下巴突出而厚，即系丰满嘅鞋抽形，呢啲人晚年一定安定，但系唔表示有钱，要安定而又有钱，就要两边理财位够饱满，有饱满嘅边城，就系边城相助，而理财位饱满嘅人，用钱就无咁疏爽，所以多数都有钱剩。 数年荒寒即系大围唔好，其他人个个都唔好嘅时候，自己都好充裕嘅，就系因为上下库相连，额头饱满而下巴尖向外少少兜住，就算外围环境几差，都唔会影响到自己。 呢度系讲额同下巴，相连只不过系形容词，实际系地阁朝天，即系下巴厚，向外突出，而额头饱满就叫相连。

鼻梁露骨是反吟，曲转些儿是伏吟，反吟相见是灭绝，伏吟相见泪淋淋。

反吟系人与人之间嘅事，伏吟系钱嘅事，相见即系明显。 鼻梁露骨即系有节，鼻有节一定系人与人之间嘅问题，大多数都系夫妻间嘅问题，个节越明显表示问题越大，鼻梁有节通常都应在40岁之后，44岁之前一定要好小心处理夫妻间嘅事。 伏吟系歪，所谓曲转些儿就系成个鼻歪，相见就系好明显，鼻歪系成个鼻，唔系鼻嘅某一部位，鼻为财富，一定同钱有关，鼻直而丰厚，就肯定钱财得来容易，如果歪即系财星破，就一定在一生人之中必有一次或者多次嘅大损失，并无规定在某一流年，越明显所损失就越大。

眼儿带秀心中巧，不读诗书也可人，手作百般人可爱，纵然卖假也成真。

人聪唔聪明就系睇双眼，只不过呢度嘅「秀」、「巧」好似系为女人而设，但其实并无分男同女，只不过话只要有足够嘅聪明，就算无读乜野书亦都可以善解人意，如果又聪明，又有读书，就唔单止可人，眼睛俾人觉得有秀气，就一定要有条件，首先要有一道靓嘅眉，第二就系眼形长，眼尾微微向上，重要加少少眼水，唔可以干，就俾人觉得呢双眼会讲野。 手作白般并唔系用手做手艺，而系聪明人可以呃啲蠢人。

薄纱染皂出栗米，緃有妻儿也没儿。 倘见山根高更断，五年三次路边啼。

薄纱..有层野蒙住。 皂..黑色。 栗米。 一点一点，雀班。 呢度系讲眼嘅色，眼睛最忌混浊即系黑白唔分明，包括咗黄浊，灰浊，好似有层野蒙住，眼神唔清晰，染皂即系黑色，唔单止双眼蒙矓，重有个黑眼圈，栗米，黑眼圈嘅周围有一点点，呢度讲一个人嘅过度，眼白浊，眼圈黑，有雀班浮现，就表示呢个人嘅心好强，完全无自制能力，由于消耗过多，所以只系有老婆，而无仔女。 山根高更断，山根突然间折断，好似一把曲尺，容易招惹是非，无规定在边一年，只系话只招惹到是非，就会连续不断，一直绕几年，所以山根嘅线条唔够顺，就要小心，无端端招惹麻烦。

无家可靠羊眼睛，却问他人借住场，更有禾仓高一寸，中年犹未有夫娘。

羊眼..即系白多黑少，禾仓即系吹火口。 羊眼嘅形格，白多黑少，在羊嘅身上就好纯良，但系在人嘅身上就好呆滞，人眼好似羊眼咁呆滞，都唔使讲梗系好霉，揾到食都揾唔到着，所以话问他人借住场。 禾仓高一寸嘅禾仓就系食禄仓，高一寸，系吹气嘅形态，讲野嘅时候有咁嘅口形，就肯定将黑变白，呢度话中年未结婚，未必啱，因为呢啲人镱意颠倒是非，唔知佢边句真，边句假，呢镱相嘅口形有个特点，就系唇形略带圆形，上唇无咗条菱线，就咁一条直弧线，有呢啲特微未必就系吹火口，但系吹火口嘅人必有呢啲特征，呢啲人讲野完全信唔过嘅。

眼下凹時又主弧，陽空陰沒亦同途，卯酉不如雞卵樣，只宜養子與同居。

眼下凹即系子女宫低陷，代表咗子女微薄，或者无仔女，所以话孤独，子女宫低陷包括有纹插破，仔女就算有都唔会在自己身边，或者情唔向自己。 阳空阴没，卯酉不如鸡卵样嘅阳、阴、卯酉都系代表咗两只眼，系鸳鸯眼，大细眼，眼睛左右唔同就连带子女宫都高低唔同，有呢啲形格就唔好追仔女，最好就系收养，或者契番几个仔女。

下颏尖了作凶殃，典却田园更卖塘，任是张良能计策，自然颠倒见狼当。

不颏即系下停，或者直接指下巴，下巴尖就晚运差，无论系也野形嘅格都系唔好嘅，以前有啲书解木形火形就可以下巴尖但系实际都系差嘅，呢度话典却田圆更卖塘系话保留唔到自己拥有 嘅野，跟住话任是张良能计策，就系话呢个人一定好醒目，因为凡亲下巴尖嘅人，即系甲子面，额头一定饱满，广濶，聪明，多计，但系随住年龄嘅增长，过咗中停嘅年龄就一路差， 自然颠倒见狼当，唔使行到下巴运，只要一进入下停嘅流年就自然好多野都判断错误，因为甲字面嘅人无耐性去做啲慢慢收成嘅野，较为钟意冒险，搵快钱，当呢个人行运嘅时候，判断啲野梗啱嘅，但系下巴尖就代表咗思想唔够全面，就算经验点好，都会有啲遗漏，所以话见狼当，狼当就系兼顾唔到，顾得呢样顾唔到另一样，支支助助搅到无为止。

眼珠暴出恶因缘，自主家时定卖田，更有白睛包一半，也知不死在床前。

眼珠暴出即系凸睛，姻缘，唔系男女之间嘅婚姻，而系讲所做嘅野，白睛包一半，即系训觉唔合埋双眼。 眼睛微微凸出，呢个人就一定钟意讲野，但系呢度暴出，唔系微凸咁简单，暴出就代表咗脾气暴燥，钟意讲野，脾气又差，就自己种下好多唔好嘅因。 自主家时定卖田，多数都系因是非或者官非而破财。 更有白睛包一半，训觉嘅时候合唔埋眼，就先天性容易遇到意外，呢度话更有，即系连埋上面嗰啲缺点，钟意讲野，脾气又唔好，训觉又合唔埋双眼，招惹意外嘅机会就大大提高，所以不死在牀前。