癸癸戊乙
亥卯寅巳

己戊丁丙乙甲癸壬辛庚己戊
丑子亥戌酉申未午巳辰卯寅

一睇呢八只字就知道不是什么好东西，癸卯日配上戊寅月，伤官格，局中无明显金五行，属于弱格，以呢八只字论天下大势，实在唔识，如只以此论一针之地的大势，实在手到拿来，在乙巳年里面，好明显系无依无靠，亦无主动权。

每天一睁开眼就需要钱，就由钱开始，原局木强火弱，火五行系财星，既然火弱，就要木来生火，引申到现实世界，本地的人有好强的搵钱欲望，亦都有一定的搵钱能力，无奈想搵钱的人太多，但系钱太少，真系手快有，手慢无，任何时间都系醒目的人占优，搵唔到钱的人就只好怨老爸，睇咗上面三百字，系唔系觉得呢个世界好唔公平呢，的确系呀， 因为原局里面并无道德这个东西出现，只有用不择手段去搵钱才是正道，所以认为某种事系君子所不为的，就十足像浮生六记里面的沈三白。

强木生火的社会形态就系讲多做少，学咗其他地方，口号一大堆，完全唔实际，浮夸，为达目的大家斗踩（如果唔明可以E过来问我。 ）

本年究竟做乜野行业先至搵到钱呢，原局系乙巳年，自然系以火为先，同火有关的行业必然优先，最简单的就系卖炭啦（如果信就真系笑死人无命陪），实际啲就系做太阳能生意（点样做我唔识，本年的特点就系得个讲字），饮食业，走动行业，最不为人注意的就系坐喺度讲野的人，尤其是隐藏在背后讲野的人（乜野行业唔知，只系根据呢八只字演绎出来而已）。

基于原局并无道德这个高层次东西存在，估计可以搵大钱的都唔系什么好行业（乜野行业唔知，希望聪明人话俾我知）。

有咗钱自然要长命百岁，要长命自然先有健康，由于原局充满动象，好容易解释为以运动作为得到健康的桥梁，本年要有健康就必要多运动（阿妈系女人）。

本年原局有所欠缺，自然对健康有损害，根据呢八只字可以推算一般人最容患的疾病有几种，第一种系肝病（局中第一忌神），要预防亦好容易。 第二种系肺部的病，防不胜防，只有自己小心。 第三种就系骨折，行路带眼就可保平安。

本年的社会动态就系身居高位的人一定要小心，分分钟俾啲细既喺背插几刀，死咗都唔知乜野事，（如果唔明可以E过来问我。 ）

至于方位方面，今年（寅）系忌神，自然系东北方，无论向东北或座东北，都系容易有意外，无得预防，只有自己步步小心，（如果想八卦下就挂个风铃啦。 ）

其中以秋天金旺之月最易有意外。 夏天火旺之月最易搵钱。 春天木旺之月最多争执，（同自己人），甚至有官司。 冬天最好眠，乜都唔做就唔会出错，有大件事留番过咗年才做。

本年生仔好过生女，男仔的运气先天性比女仔好。 本年如要买楼，一定要买大单位（三房），如果买唔起，就储多啲钱，留番明年再算。