九运第二年#

三元九运里的一运及九运系影响力最大的，所管辖的地方愈大，受地运的影响力就愈大，上元一运我未有见过，下元九运我应该都见唔完。 九运的二十年里，对中华大地的影响一定很大，我只不过系区区一个风水从业员，中华大地几时轮到我去评论，都系讲番自己所处的一针之地好啲，反正呢个九运我都睇唔完， 所以点讲都无问题。

人出世时乜都无带来的，所以第一件事就系要搵钱，要搵钱之前一定要有健康，就必先要知道凶病位在那里，乙巳年的最凶位原来系东北方，如果这个位置不是自己的主要活动范围，可以不理。 如果这个凶位座落大门，厨房，睡房，书房就不可掉以轻心，必要认真处理，要化凶星不离用金属，或金属所发出的声音，我推荐用铜制的风铃，一般大师都认为这个东西无用（因为卖唔起价钱），这个凶星由盘古初开已经存在，所以用最古老的物品化解即可，要化解这个古老凶星的方法亦好简单，就系将这个唔起眼的风铃挂在凶星所到之处， 自然一年平安（挂在触手可及的高度，每日第一次经过都碰下佢）。

第二个凶星就座落厅堂中间，不用化解，只要唔摆放任何对象即可，如果一定要摆放（例如餐桌，麻雀枱等等），用完即要收起，否则必生祸端（妇科病）。

第三个凶星系西北方，呢个系岁破位，兼夹系是非星，如果系座落大门口，只要铺设大红色地毯即可，如果唔系大门口，不用理会。

第四个凶星系正北方，佢个名叫做贼星，无得化解既，只有自己小心门户（那里有摆旧野，啲贼仔就唔会入屋？ 咪咁天真啦）。

睇咗上面嗰600字，就好肯定乙巳年本地系无运行，因为所有凶星都系来自同一方向（正北，东北，西北）。 要睇一间屋的兴衰，首先要注意来往的水路，跟往睇埋山喺边，水喺边，就知道呢间屋既分数有几多。 身处既一针之地，由八运的后十年转上九运就一直都无运行，最主要就系无一个公认的地标，现在只能以九运加年运的凶星所到来判断本地运气。

首先系西北方（乾宫位），系全香港最高的山，只要保持树木茂盛，无山火发生（都几难），香港的根基仍然丰厚，每发生一次山火，香港必引发经济事故，要知道受影响的是什么人，或什么事，只要根据八纯卦去判断即可（多年来经验都有七八成啱）。 记得有一年由政治家当权，乜都无发生，闷到抽肋，好希望烧下都好呀，有啲提示（系唔系好衰呢）。

第二系正西位（兑宫位），呢个系似非而是的文昌位，文昌故名思义就系读书，或者系做文书工作，先决条件系要安静的环境才可见成绩，但呢个位置系本地最大的动态位，可想而知无论读书或对外交涉都唔会有好成续，尤其是同鬼子佬交手（西方人士），必定蚀底。

第三系西南位（坤宫位），全年最好的女性财位（不愧为九运旺女性），如果在今年打好基础，真系可以旺到九运尾都唔奇（未结婚不算在内）。

第四个系正南位（离宫位），呢个位置先要有山，成个大环境就肯定唔合格（但风水系有个基本格式，就系高一寸为山，低一寸为水），就系睇下自己所处嘅单位（好多人一生就为呢个四方格仔而努力），南面有无高过自己个单位嘅屋，再睇下北面有无低过自己嘅屋，符合呢个条件的话， 男性一定搵到钱（好低层次）。

第五个东南位（巽宫位），呢个系本地既出水位，财富积聚与否就系睇出水口与入水口比较（来去水），本地经济之所以日益蓬勃，就系得益于来水大去水细，不知谁人下令填海，将来水口收窄，但无将出水口相应收窄，就形成来水小，去水大，本地经济自然日渐向下。

第六个系正东位（震宫位），呢个系全年最好位置，但亦最易发生事故地方（如果话呢个地方好容易有火灾，只不过阿妈系女人啫，无意嘅），将范围尽量收细，估计系九龙湾及牛头角一带，要再细啲实在无能力，我认为引发意外的一定系女人。

第七个系东北位（艮宫位），在乙巳年里面这个系数一数二的衰位，判断香港这一年一定比上一年差的理论根据，就系凶星座落于最己巉既山，这一年除了有不可测的不如意事之外，仲有好多好多口舌之争，包括指背，小人当道，无可奈何。

第八個係正北位（坎宮位），眾所周知呢個係賊星位，在九運裡面，亦都係先天性衰位，在大地上面只要北方有大水就可化解一切凶象，但本地正北方並無合格的水位，所以無得救。

最後一個就係中宮位，今年就真係應咗一句物先腐而後蟲生，一切禍事都係由自己人攪出嚟嘅，又係無得化解，人心真係好難測。

睇晒今年本地的運星盤加年星盤，兩個凶星都係處於極端位置，五黃太高，二黑太低，無得平衡，運氣實在差，最主要就係無向心力，搵錢能力一般，仲有隨時惹禍上身的可能，最好就係三緘其口，最緊要就係唔好得罪女人，