有人知道天机吗？#

风水为一般人熟悉的年代系六运转上七运嘅时候，在六运中，一般人只认识算命，卜卦，对风水只系留存在少数人口中，唔掂？ 睇下风水啦，作为顺口讲吓。 但到七运之后，风水突然间大行其道，当然同地运有关，但亦都同大多数人去做同一样嘢有好大关系，就系借用佛家所讲嘅（共业）。

社会形态的方向，就系跟住大多数人嘅意愿而行。 五术之道在于预测（马前炮），并不是等发生了某一件事之后再放马后炮，但马后炮风水师多的是。

我系一个风水从业员，亦不例外希望有能力放马前炮，但做这个动作之前，除了有一定的术数知识之外，更加要有足够嘅胆量，好多人唔知道点解要够胆，原来唔讲真系唔知，术数师系好怕输嘅，就系要有输得起的胆量，所以好少人够胆放马前炮。 什么今年会有大型水灾，火灾，瘟疫，交通意外等等，但从来冇话乜嘢位置，乜嘢时间等等，因为如果讲实咗，就实在输唔起，所以多数都系模模糊糊地，今年有乜，今年有物，一大堆讲咗等于冇讲，到发生咗之后就大事宣扬，我都话咗架啦，其实天灾人祸从未停过。

风水教师最钟意预测，八运会点，有乜嘢发生，例如八运系艮卦，五行属土，就自然系楼宇价值大升，艮卦代表男性，系男性之中的少男为主，自然系男仔话事，艮卦代表手或者用手做嘢 ，艮卦在元旦盘上系八白，九星之中的一白，六白，八白被视作三白吉星，唯独是八白被视为财星，根据以上咁多样嘢加埋，就引申为在八运里面男仔好勤力，用手嚟做嘢，会搵好多钱， 在八运前半段并不顺利，要到后半段才开始好转，其他的预示就系本地嘅地标系飞鹅山，而飞鹅山系数一数二药材多嘅山，所以亦引伸为为医者，在这个运里面可以大展鸿图（自然系好多人病）。

望返转头判断每一样都啱，都有出现，但竟然系后生仔好叻，搵好多钱，有大展身手机会，亦都系好多人病，医药好发达，持有物业者身家大涨，样样都同预测一模一样，但系开心吗？ 八运艮卦以阳土为本（中国名言，有土斯有财）引伸为土为财星，地标系飞鹅山，这个山的型格系山前己巉，山后贫瘠，自然会令到一个地方嘅经济只有越嚟越差，几时先至有好转，实在天晓得。

由七运望向八运，可以讲系大方向冇错，但系细节就差好远，点解？ 因为冇人知道天机，连孔明都唔知天机，何况系一个小小嘅风水从业员？ 但只要够胆输，继续放马前炮，综合经验，就自然越嚟越准，经验系错出嚟嘅，所以唔好惊错，最主要系累积经验。