甲戊壬壬
寅子寅寅
12 11 10 9  8  7  6  5  4  3  2  正
癸 壬 辛 庚 己 戊 丁 丙 乙 甲 癸 壬
丑 子 亥 戌 酉 申 未 午 巳 辰 卯 寅

五术系相通的，任何时候都有术数师以各种方式去预测个人未来，地域的人文经济，甚至世界局势等等，在N年前我都尝试用文王卦来预卜香港流年，当然唔够准绳，不断试咗好多次都系唔准，后来我卒之明白了个中原因，原来系自己在这个范围唔够分量，由此开始我就知道好多自以为可以帮这个地方问前程嘅高人，都只不过系顺住时势解卦（可以由纪录证明），一句说话可以解释点解唔准嘅原因，就系你系老几呀？

每个地方，每个地区都只得一个人有资格作为代表，不过呢个人肯定唔会做呢种佢认为无聊嘅事。 亦都有部份用风水方位判断地域嘅当年运气如何，理论上就系应该有几成准，但距离标准八九成重好远，原因系本地冇一个公认嘅地标，当要预测这个地方的气运时，都茫然不知何处有资格作为这个地方的标的，好多有料嘅大师谈论本地气运时，好多位置都系含糊其词，永远都唔会用铁口直断的语气，因为实在冇人有这种胆量（有啲就系讲定今年会有大车祸， 大火灾等等，从来冇确实边度，几时，等于阿妈系女人）。

更有啲就系上一次讲过的，到今次已经唔记得，唔讲就当冇。 例如判断几时通关，次次都系自动更新，完全唔使面红。

有部分有咁上下料子嘅人用子平命理作为判断工具，有好多真系值得佩服，早半年就可以预测下年嘅流年状况，真系有几成准，如果离行离列的话，下年都唔使再出书啦。

今年这组立春八字要预测就真系绝对容易，子平命理讲究嘅只有一个原则，就系平衡，平衡就系好命，失衡就系衰命，睇吓上面嗰八只字，一睇就知道系严重失衡。

好少有这样的立春八字，这组八字格局一面倒，侧埋一边，现实环境亦都系一面倒，完全唔平衡，未来一年少有公义可言，要判断大势，用八只字就可以概括，就系贫者越贫，富者越富，由于五行有所欠缺，知命者就知道以柔制刚，硬碰硬系冇得玩嘅，千万不要自觉伟大，大家都知道身弱遇煞即系身弱见鬼头，头四个月寅卯甲乙就认真难捱，估计好多人都捱唔过， 因为七煞系极度消耗财富的，所以必然好多人破产。

这组八字虽然系古怪，但系都唔值得花时间去深究，因为这类型的立春八字永远都唔会再有出现，原因系下一次的壬寅年己经系上元二运（现在系下元八运）。

如果要用人文生活来演释呢组八字，都系好简单，就系边个做管理员边个死，除非系好好运先至可以有好下场，但系好运的人都无乜机会做到呢个职位。

健康方面就更加冇好野讲，强煞攻身，实在防不胜防，春季木旺自然身弱见鬼，有少少唔妥就即刻要搵医生。

夏季强木生火克金，一定出现好多肺部疾病，因为五行欠一，亦都有好多人患直肠相关的病，最多就系排泄困难。

秋季金旺，理论上就系秋高气爽，气候干燥就可保天下太平，如果反常地潮溼，一定医院排长龙（要问廿四万一个月的人）。

冬季水旺，原局天透地藏，财旺生助强煞，有心脏病者要极度小心，稍一不慎，就不再醒来。

人以群分，六十岁以上的人会有好多不可预知的烦恼，推算系来自仔女。

因为这组八字阴阳唔平衡，估计婚嫁会比往年少好多，但系风化案件肯定会比往年多，推算犯案者系来自已婚男人（女人唔引诱，男人点会犯罪呢）。 行业衰旺就真系唔识睇，但系有人问就一定要答，金融业无论升升跌跌，都系搵钱既平台。 地产业肯定有升冇跌，要搵钱就要喺呢两个行业埋手。