辛丑年的立春时辰，有好多版本，有壬午日亥时中，壬午日亥时尾，又有癸未日子时头，我最先写咗壬午日亥时尾呢个版本（22点58分），之后睇咗几次，觉得唔似，再在写一个癸未日子时（壬午日23点01分），现在的版本系癸未日子时头的，到时睇下边个版本较为接近（唔会绝对啱）。

呢一组八字阴年，排月份或者大运都系顺行（有原因的），成组格局都几低吓，基于系日主弱又系伤官格，天干无伤官透出，天干有嘅有归库，有己土露出而戊土隐藏，庚辛金不足以化解己土之力，如果呢一组八字系某一个人的命格，就注定俾人虾而无力还手，压力大，但系好难化解。

将这一组格局代入几样角色，由这几个角色就可以知道，辛丑年最得益嘅系哪种人，我自己系一般平凡人，所以就以由一般人开始，在这个格局里面这一群人系最多的，有比肩，有劫财，但能力系最低的，综观整个格局，这一类人有一定的能力，但冇机会发挥，表面上好似好多人帮，但全部都系虚浮无根，属于到喉唔到肺，仅仅有承受压力嘅能力，开源无能力，因为压力大， 节流亦都无能力，只有造成怨气一大堆，究其原因就系因为资源唔够分配。

另一班人属于一般人之中的知识分子（中产），这一班人尽社会责任系最多的（其实系佢地走唔甩，无可奈何），但得到的照顾系最少，亦都系揸唔到主意，亦不能掌握事态发进展，更不能预知前景，上不到天，下不到地，又唔系最穷，又唔系最有钱，属于最差的一群。

再上一层就系商人，因为成个格局的财星无透出，所以对做生意嘅人非常不利，这一年生意人官煞盖头，随时有意想不到的压力，财星不向自己，引伸为多劳小成，借用某君名言（今年唔死就算成功），以生意人嚟讲，辛丑年肯定衰过庚子年，唔使用五行分析都知，唔单只系本地，放诸四海而皆准（中国例外）。

再上一层就系权力分子，有能力欺压一大群人的人，自然系掌权份子，呢班人最得益，因为财富，只要拎出小小虚浮无根的所为计划，一幅图画，就自然可以接收一大堆财富，起码在这一年里是这样的。 权力越大所讲既野就愈系虚浮无根，所有决定不切实际（不单止本地如此，举世皆然），而有权力的一群亦都互相斗争，最主要就系争夺财星，这一年肯定出现好多不要面子，只银子的面孔出现，可能自古已然，于今犹烈而已。

庚子年立春八字只写到五月，就谂嚟谂去都写唔出，写咗几次都觉得唔似，所以放弃咗唔写，系十几廿年来第一次，只有自己安慰自己，唔好当自己系神仙，自己只不过系一 个风水从业员而已，推算唔到庚子年嘅玄机，绝对唔使唔安乐，亦唔使觉得无面，总好过讲啲阿妈系女人嘅嘢，例如有大交通事故，大火灾 大水灾，大瘟疫等等，不如等到真相大白之后再重新印证， 吸取教训重实际得多（无可否认系水皮啲）。

辛丑八字，木土相战，引伸为本地与外力互片（斗争），缺少了通关五行，所以无所谓人缘，和洽，忍让，稍不如意即恶言相向，引伸成今年睇风水的首要布局就系令人和洽肯忍让。

辛丑年一般人的身体状况都系好的，由于五行不平衡，就偏向于多肠病，连带膀胱排泄系统都有问题，因为五行火极弱，所以心肺病一定多，至于疫情会一路延续，其实系东西方嘅生活习惯问题，亦都系政治问题，并非系一个风水从业员所能够判断（边有咁叻呢），做好自己能力范围里面嘅事就己经好叻，（呢篇文字如果睇唔明， 可以要求索取学理版）。