《易经》第三卦【屯】水雷屯#

屯，水雷屯，卦主九五。

屯：元，亨，利，贞，勿用，有攸往，利建侯。

乾系阳，坤系阴，乾系天，乾系地，乾坤相交，即系阴阳相交之后的第一卦。 屯卦的古老字形「系而家草字，表示初生的幼芽，要穿过乾硬的土地冲出地面。 草的幼苗几咁弱，干的泥几咁硬，要穿土而出的过程几咁艰难，所以有屯，难生也之句。 卦象系震下坎上，震系雷，坎系水，雷系动，坎系险，表示动则有险，但系雷的本质系要动的，所以险系不能避免，明知有险，但系都唔会停止。 震系雷，好有勇气，但系唔表示会成功，因为动而遇险，动在险中，所以呢一卦有屯难之象，呢一卦的阻力好大但系过得呢关就无限大。 屯卦的元亨，利贞同乾卦唔同，乾卦系元，亨，利，贞，屯卦系元亨，同埋利贞，个标点唔同，乾卦所讲的系天之道，屯卦的元亨系讲人道，即系社会人事的规律。 元亨即系大亨，即系好顺利的意思，或者系话创业者自己的条件，如果有足够的条件就一定会成功的。 利贞，虽然有足够条件，但仍然不可急燥急进，要依照个程序进行，准备工夫要做到足，因为后面重跟住勿用，有攸往。 自己本身条件充足，但系客观环境末曾配合，要先整好内部，例如训练人才，但系最重要系后面呢句利建侯，以前侯系代表国君或者领袖。 利建，在未曾大展拳脚的时候，最好就系先建立目己的威信，呢度讲一个领袖的成长系一定要靠自己，唔好指意有人帮你，因为以前的人一定唔似而家D人咁脆弱，无而家咁多呵护，同动物的分别唔会好大，所以卦词所表达的就一定系靠自己，稍一脆弱就唔得大，要有震卦的性格先至可以过险而出。

象曰：屯，刚柔始交而难生，动乎险中，大亨贞，雷雨之动满盈，天造草昧，宜建侯而不宁。

屯，系屯卦; 刚柔始交而难生，刚系乾卦，柔系坤卦，始交系阴阳相交之后的第一卦，一件事縕酿咗好耐，而开始进行，样样都唔顺利，所有关节都未曾打通，所以有难生呢一句。 动乎险中就系震卦在内，外坎为险，动而遇险，呢度话一开始进行就已经在险境之中，要谋定而后动，呢度唔系盲目冲动，因为一早已经知道险在前面。 大亨贞，表示过得，过得最初的阶段就无问题，万事初初都系困难的，好似学风水命理，最难就系初阶，过咗初阶就觉得好容易，呢D就系难生之后的大亨。 雷雨之动满盈，天造草昧，宜建侯而不宁。 天助自助者，最初讲草的幼苗要穿过坚硬的地面而出，根本系无可能的，但系唔肯停止，不断为自己创造利好的环境，就自然会越来顺利，因为有雷雨而令泥土松软，令到幼苗可以破土而出，只要唔退缩，唔气馁，就天都俾你感动，本来周围的环境好恶劣，但系都会因你的努力而变成良好。 天造，系大环境，亦系时运。 草昧系乱，无秩序，个天帮你，但系绝对唔系净系帮你一个的，竞争对手一定好多的，人人都有机会，要成功脱颖而出绝不容易，所以有宜建侯而不宁，大家竞争，一定要确立目标，而建侯，制度，计划，竞争对手咁多，就一定唔系叹世界的时候，所以就不宁，即系未有时间俾你休息。

象曰：云，雷，屯，君子以经纶。

云系坎，雷系震，加埋就系屯，经纶系计划。 不宁之后，在呢种咁恶劣的环境之下，睇吓个环境系点，云盖于雷上，雷之前系电，云盖住雷电，行雷闪电本来系无限光明的，但系现在唔见光明，天未光亮，一片黑暗，发挥唔到雷的效力，一片迷蒙。 屯：系困难未曾可以离开，人在其中，举步维艰。 君子：领袖，老板，就一定要有一套好好的计划。 以：系照住做，身为老板或者领袖，要有一套计划照住来做。

占到呢一卦问前程：表示你的责任好重，但系所进行紧的事绝不顺利，一定要靠自己。

问婚姻：唔好多心，认定一个就要确定专心去追，问结婚就好，问离婚就唔会成功，因为卦辞话利贞，主张一往无前。

问事业：创业就非常困难，如果已经开始就主张坚持到底，打工就唔主张跳槽。

初九：盘桓，利居贞，利建侯。

盘系大石，桓系大树。 大树俾旧大石阻住，树表示不断扩展，遇到有石，扩展受阻，所以有盘桓不前。 初九系一开始，一开始就受到阻碍，好多人就会在呢个时候退缩，打退堂鼓，挨声叹气，落笔打三更，但系跟住话利居贞，居即系企硬，千祈唔好退缩，在卦象来睇，阳居阳位，唔使求一步登天，慢慢来。

利建侯，建立自己的形象，處在困境的時候，唔好垂頭喪氣，唔好暴躁，俾人覺得你處在困境都重有一種從容的態度，唔好有小小挫折就發晒「猛噌」，怨天怨地，睇吓孔子對呢一爻的補充。

象曰：雖盤桓，志行正也，以貴下賤，大得民也。

唔係唔想進，係客觀環境唔俾你進，迫於形勢。雖盤桓，雖然唔可以郁，唔可以有預期的發展，但係志行正也，無放棄本來的理想，點解可以堅持，因為有支持，乜野支持呢係以貴下賤。易經的格式係以陽為貴，陰為賤，初九係陽爻，有上進的意志，但係屈於時勢，被迫身居最下的位，下賤唔係賤格的下賤，而係一個好有志氣的人運未到，身處在一個卑微的位置，重未曾有機會俾佢發揮。盤桓，但係佢所表現的態度仍然係充滿朝氣，只不過佢而家運未到啫。大得民也，其他人都重係睇好佢的，重係受到擁護，好似在股災的時候，電訊盈科由28蚊跌到７毛錢，都重繼續買佢，就深信佢有一日會上番，就係大得民也，佢點衰都好，重有人擁護佢。

占到呢一爻問前程：而家目前係好艱難，進退不得，但係唔好氣餒。

問婚姻：就要快刀斬亂麻，唔好猶疑，不論結婚或者離婚，都唔主張拖的。

問事業：可以創業，但係唔主張合作，主張獨資建立自己的名望，打工就未有升職機會，要更加勤力，因為環境唔就，所以唔適宜跳槽。

六二：迍如邅如，乘馬班如，匪寇婚媾，好貞不字，十年乃字。

邅：尖，欲進難進，踟躕不前。

班如：迴旋不前，班等如旋。

如：咁樣。

匪：非，匪寇，唔係賊，係搶。

婚媾：求婚。

女貞：女子貞守操節。

不字：不出嫁，以前商周年代女子出嫁要將自己有幾多嫁粧寫哂出來，叫字，而家的福建部份地方重有呢種習俗，所以福建人家如果有幾個女的呢就破產都有份。後來呢個字變成年生八字，出嫁之前要將個年生八字送過去俾男家批過，先至決定娶唔娶，所以未出嫁的女子就有待字閨中呢句話。十年表示好長時間。

呢一爻的意思係班旋盤桓，猶疑不前，迍同埋邅都係想向前而去唔到的意思，如在易經裏面有乜如物如，都係表示唔知點的意思。乘馬班如，上馬想行勒，但係又拉番隻馬番轉頭，想行而又退縮（例如班師，即係拉隊番去）。匪寇婚媾，匪寇，唔係賊，本來好好地成班人來迎親的，後來發展到搶親，點解，因為呢條女反口唔肯嫁。女子貞不字，原來呢條女有個舊情人，貞係固守，點解要固守，因為已經有咗情人，佢要等個舊情人，但係佢個情人無番黎。十年乃字，錯過咗呢次搶親就有排都嫁唔出，十年即係好耐好耐。

象曰：六二之難，乘剛也，十年乃字，反常也。

六二之難，因為乘剛，佢有個情人在好遠的地方，遠到點呢，在九五，九五的陽爻同六二的陰爻作有情相應，但係而家有個惡人就近來追你，以前講究早婚的，有人娶你都唔嫁，要等個好遠的人，好耐先至嫁得出，根本唔合常理的，所以話反常也。

占到呢一爻問前程：唔好好高慕遠，應該騎牛搵馬，唔好話呢份工唔係我的理想，等吓添，就可能有排等。

問婚姻：就唔好左揀右揀，問離婚就表示唔會成功，因為對方一定黐實你。

問事業：主張創業，呢一爻係講信用的，所以合作係好的，打工就唔主張跳槽。

六三：即鹿無虞，惟入于林中，君子幾，不如舍，往吝。

即鹿：山麓。鹿：一隻動物。虞：官名，而家的農業部長。君子：領導人。幾：微小。舍：拾棄，停止。吝：唔好的，吝同悔有分別，悔屬陽，屬剛，屬動；吝係陰，係柔，係靜，剛陽過度為悔，陰柔過度為吝。凡事過咗龍，發生錯誤就生悔，吝係失誤之後接住產生的消極狀態。

呢一爻講古人打獵，以前Ｄ領導人打獵，必定有個農業部長預先將Ｄ飛禽走獸趕晒出黎，Ｄ領導人就算係盲的都可以打到大堆獵物，呢度話領導人上到半山的森林之中，無虞，上到半山，但係無人幫佢將的動物趕出黎，自己入森林中搵。君子幾，搵來搵去都無的，幾即係好微。不如舍，橫掂都搵唔到，不如走人，往吝再去都無收獲的，所以不如停止，唔好繼續。

象曰：即鹿無虞，以縱禽也，君子舍之，往吝窮也。

旡一個人帶領，去到山林野嶺，見到隻鹿。以縱禽也，見到都唔打佢。君子舍之，有知識的人就唔會去追隻鹿，知道去追就一定唔好的，人生路不熟，唔好見到眼前小利而忽略咗危險。

占到呢一爻問前程：呢一爻係講市場資訊的，無得到準確的市場情報，就唔好戊戊然咁進行，主要就係不熟不做，寧願暫時停止。

問婚姻：呢段係自由戀愛就一定唔好的，有人介紹就好，問離婚就好，結婚就唔好。

問事業：唔主張創業，亦唔主張合作，打工就主張跳槽，因為做緊呢一份前景唔好。

六四：乘馬班如，求婚媾，無不利。

成班人來求婚，但係有阻滯。班如：唔順利，呢一爻唔係去求婚，而係來求婚，點解會有阻呢，原來係女人唔答應，點解唔答應呢，因為有得揀，又話無不利，因為咁多人揀，呢次實嫁得出，所以無不利。

象曰：求而往，明也。

咁多人來求婚，點樣揀呢，明也：搵人指點。

占到呢一爻問前程：就要禮下於人，夠謙虛就無問題。

問婚姻：利結婚，唔主張離婚，屬於皇帝女，唔憂嫁。

問事業：創業就好，可以合作，打工就表示會另有高就。

九五：屯其膏，小貞吉，大貞凶。膏係厚的積聚物，肥沃。

九五係剛中正，積聚咗好多，但係自己身處於坎險之中，所以只係可以做小事，大事係做唔到的，呢個屯其膏積聚的唔一定係金錢，可以係知識，人際資源，但係無論積聚咗有幾多，個能力都係好有限，呢一爻係卦主，成個卦的意義係困難重重，所以就算去到最好的位置，都唔可以避免遇到困難。

象曰：屯其膏，施未光也。

有积聚，但系未能够发挥，点解唔可以发挥呢，因为九五在坎中，俾两个阴爻包围，表示唔可以做自己想做的野，因为有小人出现，令到自己唔可以发挥佢的才干。

占到呢一爻问前程：唔好心头高，要量力而为，唔好一次过用尽自己的资源。

问婚姻：就表示好美满，但系小心会有人眼红。 问结婚就好，离婚就唔赞成。

问事业：可以创业，但系唔好想得太美满，希望过高就会失望，打工就未有机会尽展所长，会有指背出现，但系都唔主张跳槽。

上六：乘马班如，泣血涟如。

乘马班如就系进退犹疑，呢一卦的六二、六四、上六三爻都乘马班如，但系意思就有分别，六二同六四的乘马班如，都系表示有所等待，上到来上六就唔同，呢一爻处在屯卦的终极之位，系在坎 险之极，一般来讲到极就会物极必反，但系呢一爻系阴爻，六三同佢又唔相应，无强而有力的靠山，本来谂住可以摆脱困境，将屯变成通，但系事与愿违，由好大希望变成大失所望， 所以有悲哀哭泣不止，以至泣血涟如。

象曰：泣血涟如，何可长也。

环境去到咁拽，唔可以俾佢继续落去，就要转舦。

占到呢一爻问前程：本来好有希望，但系突然间有意外之事，令到本来成功嘅事有反复，所以谋事就要有两手准备。

问婚姻：如果未结婚就要多多考虑，唔好咁快决定，呢一爻问离婚就好，唔主张结婚。

问事业：就唔主张创业，结业就好，打工就一定要跳槽。

睇晒成个屯卦表示难而不通，任何事情都有遇到屯难的时候，初九话时机未到，唔好妄为。 六二就要等待。 六三同六四都系寻求的时候，九五有能力，但系无机会发挥，上六有突然间的意外，呢一爻历史背景系一班马贼入村奸淫掳掠，有D人话呢一卦个画面其实系一幅春宫图，将来有机会再研究吓呢一卦。