《易经》第六卦【讼】天水讼#

讼就系争讼，会有裁判的意思，上一卦水天需的需字系指等待时机，而天水讼的讼字表示意见毫无相同之处，亦即系绝无和解可言，所以跟住就系师卦，唔同的立场，唔同的团体，为争取利益就会争讼不休，若果得唔到适当的调解，就会蝶算街头，大动天伐，即系师卦，尤其是在商业社会中，好多时都会出现争执，最简单就系利益的分配，因为呢个世界系无公平的， 商业社会中的公平交易其实系建基于唔公平的基础上面，好似同银行交易，又好似负资产的业主，新业主就有P减2、减3、减4的优惠，但系负资产业主就要P加1加2，呢个世界边有公平呢，所以稍有D唔公平而其中一方面唔肯蚀底就会引起纷争，在呢度除左利益之处，其中亦涉及是非问题，如果无人从中调解，就会进一步引起相斗，所以就要有一个强而有力的人排解， 避免出现更严重的问题，讼卦的卦象系坎下干上，坎为水乾为天形象同埋涵义都同上一卦水天需相反，需卦的意思系等待，但系讼卦就系要求胜，唔可以再等，由卦象上睇，首先系天与水的运行方向唔一致，干为天，天向上升，坎为水，水向下流，象征双方的要求矛盾，未曾扬出黎的时候就乜事都无，好似财务公司咁样，一有问题就泼油，所矛盾一暴露出黎，就有争斗， 有争斗自己系调息唔到的，所以就一定要诉诸法律，就系讼，在古代的社会生活圈里面多数都系有亲属关系，一般来讲都唔想闹上公堂，希望息事宁人，免得过都唔用讼的方法来解决问题。 讼在东西方国家有好大分歧，西方国家认为只有建立一个有惩罚能力的政府，每一个人都将D权力交俾佢，咁样每人都遵照法例来执行，无论系乜野身份都无任何优待，无咁多唔公平的事，就自然减少讼的机会，就算有需要诉诸法庭，都以法庭的判决为依归，但系中国并未有发展到人人平等的地步，所以讼卦所提出的系依赖大人，君子的裁决，由于无一套人人遵守的法则， 所以大人，加子的意念，偏左偏右就直接影响讼结果同佢的公平性，中国老百姓系绝对唔赞成讼的，因为自古以来出现公平的讼系极之少，所以出现左一个包公就己经名传千古，令中国背上一个人治国家的名，但系法治并唔系西方国家的专利，在公元前二千几年中国己经出现过，唔信就可以睇下讼卦的卦辞。

讼：有孚，窒，惕中吉，终凶，利见大人，不利涉大川。

有孚：系诚信，窒：窒塞，不能伸展，惕：戒慎谨慎，大家都有信心，讼系卦名，有孚窒惕，中吉，系讲明争讼就一定因为讼，打官司唔 系单方面的大家认为，应该有咁多的，现在无咁多要得番自己的野，就诉诸讼，但系讼唔可以过甚，应该持中，先至会吉，因为诉讼只不过是争取番自己应得的野，绝对唔系为左打倒对方，所以中国最初的讼，即系打官司系摆到最后的， 非到迫不得己都唔会用到打官司呢种方法，因为讼只系最后的方法，而唔系最好，老子都曾经就呢一卦解说过，佢话「和大怨，必有余怨」所以卦辞话终凶，就算嬴左都会耗损好多心力，而且少不免要结怨，利见大人，有机会遇到公正明智的仲裁者，作出合理的调解同埋判决。 不利涉大川，讼卦内卦坎，中实而不安份，不能自我克制，虽然遇到个好官，但系都唔适宜放尽，呢个大川唔系解危险的环境，而系心境，打官司嬴左就赶尽杀绝，去到尽，保持万事留一线，呢D系古人的宽容精神，嬴左都会俾番条路你行，古人的美德现在可能无晒。

彖曰：讼，上刚下险，险而健，讼有孚窒，惕中吉，刚来而得中也终凶，讼不可成也，利见大人，尚中正也，不利涉大川，入于深渊。

照易经的习惯，上下亦即系内卦，一个人如果性格阴险而内心刚强的咁多都唔肯蚀底，就好容易同人地发生争执，所以彖词话上刚下险，险而健，讼呢度未去到打官司的阶段，只不过系贪婪，而同人地不断发生争执，跟住来的讼 窒有孚，窒，讼系积怨，有孚：信心，窒惕：系受到挫折，中吉：系唔过份，有乜野唔妥，应该好有诚意咁样扲出来倾，刚来而得中， 刚系指九二，和平，沉实，得中系唔过份，要得番自己的野，但系唔会得势不饶人。 终凶：讼不可成也，讼系不己而为的事，但系如果己经开始左就见好就要收，唔好去到尽，利见大人，尚中正也，不利涉大川，入于渊也，凡争讼的事最主要就系得到公正的裁决，即系尚中正，所以一定要个大人，公正的人，千祈唔好得理不饶人，否则就好似跌左落个深洞度，变左为打官司而打官司，唔系为争公理而打官司，亦即系现在的争气唔争财。

象曰：天与水违行，讼，君子以作事谋始

古老的传说天向西转，水向东流，干同坎大家背道而驰，象征唔和睦，自然有争讼，呢度唔话水与天，而讲天与水，因为凡亲要讼，必定刚健在先，即系唔忍得，所以话天与 水，天向上，水向下相背而行，亦都解得通，君子作事谋始，君子有能力的人，作事：系做野，谋始：开始策划，呢段象词系话大家的利益系唔一致的，你着数D即系我蚀底D，世界系无双嬴的， 所以一定要一开始就要讲清讲楚，唔好到时先打死狗讲价，所以后来就产生左「合同」呢样野.

占到呢一卦問前程：表示時運未到，亦都表示呢個人太過堅持，一味理直氣壯，唔識轉彎，同佢身邊的人意見不合．

问婚姻：呢段婚姻就唔系咁美满，因为一段样样都讲得清清楚楚的婚姻太无意思. 问结婚就要慢慢考虑，问离婚就表示会成功.

问事业：合作表示会好多拗撬，唔主张创业，打工就预备转工，因为唔可以再相处落去。

初六：不永所事，小有言，终吉

不永所事：唔长久，有言「呤寻」

唔好好似婆？ 咁样，成日为一D小事，唔停口讲来讲去，呢未曾讲到讼，因为佢只系禀神咁声者，未曾到真系听到佢嗡乜的地步，所以放过佢。

象曰：不永所事，讼不可长也，虽有小言，其辩明也。

因为明白到佢只系拜神唔见鸡，未做真正伤害，所以唔会真正告佢，因为了解到打官司唔单正劳神，仲系伤财，所以讼不可长就成左中国社会的共识，共同努力寻求双嬴的办法，先至系最好的策略，初六系讲大人有大量，小小野系唔会计较，略受语言中伤都唔理会，唔系好现在D人郁下就告人诽谤.

占到呢爻问前程：表示会有好多闲言闲语，但一定要忍耐，计划紧的事会有好多小人畜意破坏，要有心理准备.

问婚姻：呢段婚姻就好多波折，只要万事有商量就可以无事，如果未结婚就小心会有人破坏，但系都会成功，讼在婚姻里面代表口角，问结婚就好，问离婚就唔符合爻义，因为讼不可长，唔可以长期拗撬。

问事业：唔主张合作，有争拗而又太多闲言闲语，所以合作非所宜，打工亦唔可以长期做梗一份工，所以系主张转工。

九二：不克讼，归而逋，其邑人三百户，无眚。

逋：保，逃亡。 克：胜，三百户：自己家乡。 眚：眼疾，引伸为灾难。

呢次打官司的对手好强大，佢地出到几个御用大状，你只不过请个律师仔，个律师仔一见到D大炮己经脚软口窒，边有得打呢，所以就不克讼，唔使讲都系输梗，但并唔系输左咁简单，仲要赔偿天文数字的堂费，但系无钱赔迫住要走路，归而逋去到度度都俾人追到，走到无路可逃，唯有系走番自己乡下，只有走番去自己的地头先至无事。

象曰：不克讼，归而逋也，自下讼上，患至掇也。 掇也：拾取

孔子话你不自量力，以下犯上，自取其咎。

呢一爻自己所处的位置，系岩岩有自立能力，初初出来做野，好有理想，以为呢个世界系好美好的，见到D唔公平唔会理的事肯定睇唔过眼，所以提出改善，但系好唔够运碰岩果个系九五尊位，既得利益 者，你同佢炼，梗系无得炼啦，所以就不克讼，在我的眼睇孔子的思想系绝对唔公平的，因为佢继续话归而逋也打输官司梗系走啦，但系佢唔放过你，继续寺你穷追猛打， 重大条道理，俾条罪名你自下讼上，由始至终无讲到边个啱，边个唔啱，跟住幸灾乐祸，患至掇也患系祸患，呢D麻烦系你自己扲来的，由呢一爻充份表示左「讼」呢样野系绝对无公平的。

占到呢一爻问前程：表示来问卦的人现在正在处在一个唔公平的环境中，付出同收入唔成正比，但系暂时又无能改善，所以都要忍下先。

问婚姻：见到自己钟意的就千祈唔好放过，问结婚好快成功，问离婚如果因外来因素离婚就唔成功，如果自己的行为唔好而致到要离婚呢，就一定离得成，因为自己攞来的.

问事业就唔主张合作，就算合作都唔系平等的，打工仔就主张转工。

六三：食旧德，贞厉，终吉，或从王事，无成。

旧德：祖德; 王：天子

身处在两个强敌的中，前唔得，后又唔得，呢度讲打输左官司，乜都无晒，唯有返去乡卜食祖宗，剩番落来的野，靠祖荫过活，贞厉终吉，好辛苦，俾人睇死，在外边捞唔掂，要走番来乡下匿埋，越谂越唔顺或从王事告到上去天子度，上京告御状，都无结果，无成，得唔到结果。

象曰：食旧德，从上吉也

有祖荫乡下有几亩田廋田番俾你，你就好乖乖地啦，重要搅搅震，孔子认为阴爻阳位己经唔岩勒，重要工支工左，从上就好的，呎个从上系三爻上面就系乾卦，干为天，为君，所以你一要从，唔从就唔岩，所以佢在呢度补充话从上吉也，你听话就好，就可以继续食祖荫.

占到呢一爻问前程：暂时都无乜野好做，只有食住壳种先，千祈唔好心急，因为现在形势好曳，唔适宜有大发展。

问婚姻：如果系父母之命媒灼之言就系一段好姻缘，呢一爻适宜结婚，问离婚就唔主张.

问事业：唔主张创业亦都唔主张合作，问结业就赞成，打工就宜静不宜动。

九四：不克讼，复即命，谕安贞，吉。

不克：败诉，后：回头，谕：改变

上一爻系打官司输左，呢一爻系周围去搵人打官司，但系无对手，不克讼无人同佢争讼，无嬴到，一个钟意样样都要嬴人地的人，突然间无人同佢斗，复即命唯有改变自己的性格，改变自己好胜的心理，谕安贞吉，改番去正道，谕系改，安贞系正道。

象曰：复即命，谕安贞，不失也

周围撩事斗非，但系终于都改态度，采取理智的态度，听人劝，将不安贞而变成安贞，呢种系不失理性的表现，无失理性就吉，失理性就凶，易经不以讼的输赢为吉凶，而系以得理或失理为吉凶.

占到呢一爻问前程：最忌逞强好胜，现在暂时未系发展的时候，所以就要低调D.

问婚姻：结婚就好，离婚就唔赞成，初初会好似一定离梗，但系等等下，拖拖下就有转机.

问事业：就唔好合作，因为合作好容易转舦，打工就主张转工。

九五：讼元吉

呢个讼，唔系打官司的讼，而系平息官司的讼，决讼，解决讼的问题，所以呢度系代表有力人士，有能力平息纷争，D所有唔公平的野来到佢手上都变为好的，就系元吉，点解来到呢度就有能力平息D纠纷呢，睇埋个象词。

象曰：讼，无吉，以中正也。

原来呢一爻系九五之尊，刚中正睇晒成个卦象除左九五爻之外，无一爻啱位的，所以呢一爻代表公正，英明，大人，君子，同上面彖辞话：利见 大人，尚中正也的意义，相符合，但系在中国够做得到讼，元吉，以中正的官实在太少，少到出现左一个包公就已经名传千古，好似最近廋文翰的母亲对自己个智障的仔不离不弃，直到现在重唔肯放弃搵仔，上京搵香港的人大代表， 以为人大唔多唔少都可以帮下手的，但系果D人大话我地系做国家大事的，唔系做呢D野的，试问呢个世界有乜野事比亲情更重要，有乜野比母爱更伟大呢，香港呢堆人民代表真系完全唔合格，所以中国自古至今好官实在太少，稍为有一个好少少即刻名传千古.

占到呢一爻问前程：表示来问卦的人唔使几耐就会遇到贵人，以前遇到唔公平的事将会得到平反，可以出番一口气.

问婚姻：问结婚就好，问离婚就唔符合爻义，因为呢一爻系讲主持公道，平息纷争的，离婚就系有纷争，所以占到呢一爻问离婚就一定会平息离唔成。

问事业：如果做老板就一定要公正，唔好偏袒自己人，赞成创业，但系唔主张合作，因为合作就会产生不同的意见，要搵仲裁的大人，君子，虽然会搵到一个好公正的，但系要搅成咁都唔系好过瘾，打工就唔主张转工。

上九：或锡之鞶带，终朝三禠之。 钖：赐，鞶音般，用腰带的颜色代表级数，好似现在的柔道，空手道。

经过有力人士裁决，大多数都算数，但系呢度有人唔肯罢手，不断反复上诉，你唔放过佢，佢又唔放过你，形成一D长命官司，打落去实有一个嬴，但系嬴果个都倾家荡产，呢一嬴果话上九以阳刚的性格而穷诉讼之极，纠缠不休，初初就几过瘾，个个都俾D高帽佢戴：人争一口气，佛争一柱香，你真系好野啦，为争一口气，可以牺牲咁多野，或锡之鞶带， 赐之鞶带系人地对你的赞赏或系有时，你用呢种纠缠不休的方式来打官司，初初系觉得好有满足感，但后来就知死勒，一日入三次当铺，终朝三禠之，一日唔见三样值钱的野，绝对唔系一般书话俾王帝扲番D权力，所以应该系去典当等钱，睇埋个彖辞。

象曰：以讼受服，亦不足敬也，服系收获。

用呢种纠缠不休的手法来打官司，就算嬴左都俾人笑佢系傻的，以讼受服用官司得番来的收获，无人觉得系好的.

占到呢一爻问前程：表示进行紧的事要适可而止，勉强做落去都无好结果.

问婚姻：呢段并唔系理想的婚姻，一定系用手段得番来的，问结婚就一定唔赞成，问离婚就好.

问事业：唔主张合作，合作好多烦恼，问创业唔好，问结业好，打工就要转工。

成个讼卦并唔系教人点样打官司，而系认为争讼可免则免，卦辞话一方面受到唔公平对待的时候就要争取，争唔到就要讼，打官司，另一方面话官司应该适可而止，六爻同卦辞好有连贯性，初牓讲唔同人争，二爻打输官司即刻缩番乡下「呢埋」，三爻「呢埋」食壳种，四爻周围搵人打官司，撩事斗非，五爻系卦主唯一唔系打官司的局中人，而系想平息官司的， 但系有时都无能力，好似上爻因为小小野而或者一口气而纠缠不休，本来可以善罢休的变成一件坏事，所以呢一卦的意思系打官司只系最后的手段，并唔系最好的办法。