《易经》第十五卦【谦】地山谦#

谦：亨. 君子有终。

谦就系地山谦，呢一卦唔使问一定系呢一爻系卦主，就系九三，初. 二. 三阳爻得位，我们知道一. 三. 五就系阳位，阳爻坐正阳位，表示卦主得位，因为呢个卦主要领导五个阴爻，因此系非谦不可，因为俾群阴包围，等于一个有才能的人，去领导一班同佢差好远的人，呢个人如果唔谦呢班人就唔听佢话，所以谦就亨啦，亨即系话亨通，事情通顺，君子有终，我们从正道来做事就系君子，君子就得到有结果，即系有收获。

初六：谦谦君子，用涉大川. 吉。

初六，呢度阴爻坐左个阳位，应上去既又系阴爻，所以等于潜龙勿用，所以要用谦的态度，同时要以君子诚恳的态度去处事，利涉大川，因为失位，就要利涉大川，失位即系自己坐既地位坐得唔好，就要转变，所以呢一爻系转变的一爻，占变动或转换环境就好，因为自己现在所处的是劣势。

象曰：谦. 谦君子，卑以自牧也（较为低调）

但系要谦谦君子先至得，如果沙尘白霍就唔得，要谦谦君子才可以利涉大川。

六二：鸣谦，贞吉。

谦点解，佢以谦虚出名，就叫做鸣谦，鸣就系人人都知道的就叫做鸣，同时亦解释为人人都知道佢个名就叫呜。 以谦虚出名就贞吉啦，个个都钟意的，做起事上来就梗系顺利啦，就叫呜谦。

象曰：嗚谦贞吉，中心得也.

呜谦点解会好呢，因为自己有中心有主见，依照既定方针去做。

九三：劳谦. 君子. 有终吉。

嗚谦同劳谦就唔同，嗚谦以谦来出名，劳谦就点呢，劳谦就系要自己去表达佢既谦虚，致力于从事谦虚，呢个劳就系致力于从事，搏命要做番D野出黎，就叫做劳谦，君子有终吉，虽然你作状，不过都有收获，因为你肯劳谦，所以君子有终吉，如果你系君子就有终啦，就吉啦，如果小人就唔终，就唔吉啦，如果小人就扮野，就唔得啦，一定要行正道唔好扮野， 所以劳谦就不如呜谦，呜谦就唔使理佢社会地位，唔使理大人，小人，君子，劳谦就要做工夫。

象曰：劳谦君子，万民服也。

一个领导万民的君子，谦的态度一定要表现出来，都要开下会，尽量争取表现的机会，好似竞选议员一样，好话讲尽，诺言许下多多动作多多，呢的就叫劳谦，如果获选之后遵守诺言，就有终啦，就吉啦，如果当选之后唔遵守诺言，话为选民争取福利，但系变成左为自己争取加人工，就系无终啦，变成君子无终啦，就唔吉啦，因为违反诺言， 由呢一爻就知道当时系有选举制度的，但当时并不是一人一票，亦不是名单制，而系野蛮制，点样野蛮制呢，就系成班人渣住锄头，斧头，冲入去你既辨公室将你赶出来。 好直接呢一爻系一卦之主，统领一众阴爻，所以一定要有始有终，要有口齿，先至可以万民服也。

六四：无不利，挞谦。

（挥音）挞谦就系举动谦虚就无不利啦，此爻阴爻得位，即利用群众支持。

六五：不富，以其邻，利用侵伐，无不利。

不富，即系话自己唔得富，点解呢，因为隔离邻舍剥削自己，所以利用侵伐，最好就系去砌佢地，侵伐就系去打扙，打仗就系侵伐，会唔会打嬴呢，会打得嬴，无不利。

上六：呜谦，利用行师，征邑国。

如果一个部落以谦虚山名的，就可以行师征邑国，去打其他的部落，点解，因为你谦虚，一向都以谦虚出名的，你去打第二个部落，其他的部落亦会帮你手的，一般人会想，佢咁好人都会发恶，对方就一 定系衰人啦，佢咁谦虚都会打人，咁俾佢打果个人一定好衰架啦，就好多人帮你，所以嗚谦，利用行师，征邑国，如果点到呢一爻，就要知道睇你平日的信誉唔系咁好， 你的声誉唔系咁好的话，就唔可以称呜谦，我现在才开始谦虚唔得呢，得，但系就系劳谦而已。

以谦和的态度去处事，容易亨通，谦唔系摆出黎，系长久积聚，亦即系不断长期的修养，所以能表现出黎，不是作状，亦不可摆摆样就当系谦。

此卦即“？ 止也所以取彖于有终。

彖曰：谦. 亨。 天道下济而光明，地道卑而上行，天道亏盈而益谦，地道变盈而流谦，鬼神害盈而福谦，人道恶盈而好谦，谦尊而光，卑而不可踰，君子之终也。

下济指对低过自己的好些，或者有益自己的马仔，天道亏盈而益谦，不是即是益谦，亦即天道无常，所以要不断对自己增益。

地道变盈而流谦，就系人事不断改变而我地亦都要改变对周围环境的既定策略，鬼神害而福谦，越俾人笃背脊就越有地位，谦系积聚而来的，所以福谦一定系时常俾人指背。 人道盈恶而好谦，锻练到自己百毒不侵，你闹我又唔发火，你赞又唔会飘飘然，身处低职位而唔会自卑，身处高位唔会骄傲。 谦尊而光，卑而不可踰，君子之终也，无论身处何位，佢的行为都规距，及人格亦高人一等。

象曰：地中有山，谦，君子以裒（杯）多寡，称物平施。

山在地下，我明明叻过你，我都唔表现出黎，好似大家咁高咁大，容易相处的，我将自己降低少少，将你抬高些少，大家开心，如果摆出个高高在上或者高恣态样样要叻过人，咁就唔系谦，而系骄。

六四象曰：无不利，挞谦，不违则也。

利用自己的名气谦虚有料的形象，指挥自己的拥护者，争取最有利的条件，等于一个保险公司亚头，带住班马同公司讲数，就系挞谦，虽然俾人觉得佢好无义气，但不违则也，呢一爻即系话有能力的时候一定要争取好条件，只要不违则就得啦。

六五象曰：利用侵伐，征不服也。

呢一爻话唔好心软，一定要用强硬手段，一方面挂住谦虚的面具，一方面集中力量，对剥削自己的人加以打击，所谓利用侵伐，好好地利用我的能力，打那些唔同我合作的人，因为当时周朝同纣王打紧仗，纣王虽然非常不得人心，但重有好多部落帮纣王的，所以周公利用自己名气，召集自己的拥护者，打击纣王的拥护者，有的书写成以武力侵伐，系唔可以征服人地既， 简直乱嗡。

上六象曰：嗚谦，志未得也. 可用行师，征邑国。

呢一爻话呜谦，积聚左咁多实力，但系仍然未成功，就一定有问题，虽然是可用行师，但要征邑国，仍然可集结力量，但首先要征，即整治自己内部才可对外，事情进行当中，而又要回头整治内部，即系可能有内鬼，所以要征邑国。 在这里问事，因为呢一卦系以实力去行事，所以一定要问实质性的问题，如果问前程，应以守成为上，以退为进。

问婚姻初初几好，但后来就会因亲戚的关系而出问题，因为呢卦初时以柔的手段而演变成强硬手段，所以开始好和洽，但后来就有问题，问运气，只要唔系超出自己能力范围就无事，问事业，一定要扮猪食老虎，要不露峰芒，旅行，卦象上高落低，可以玩得好开心。