《易经》第十八卦【蛊】山风蛊#

蛊. 元亨，利涉大川。 先甲三日，后甲三日。

九三卦主，蛊系也，千祈唔好将佢当为蛊惑咁解，其实系用一个容器载住的虫，果D虫就叫做蛊，换一句说话讲就系降头，落降头呢D咁的事，在中国古代好早己经有，呢个蛊在汉墓出土周易帛书，当时汉代读做固，即系一个一个，同个蛊同音，固系乜，一枝计数的筹码，就系一个，中国以前计数未有算盘之前计数系用算筹黎计，即系现在的筹码，以前的筹码系长形的， 唔同现在的圆形，所以计数叫做布数，同现在的电脑一样，将的筹由呢个位放到去另一个位，所以现在有一句话叫做运筹为握，所运的筹就系呢种算筹，又叫筹谋，即系未曾决定将个筹放落边度，呢个固字就系筹，一支 算筹，点解固同蛊又会有关连呢，最初的巫术时代就用蛊黎做一件事情的重点，蛊系也，蛊代的巫师要培养好多品种的巫术用品，呢D用品包括左虫，细菌， 要黎做乜，就系用在个法术里面，即系现代的细菌战，生物战，毒气战争，呢D的高科技战争其实在我地的祖先辈一早己经盛行，在打仗的时候D巫师就要将D蛊取出黎，布置在敌人经过的地方，等D敌人染病或中毒，以前D国家有两样野最紧要，第一就系祭天，第二就系打仗扩大自己彊土，呢两样野都系巫师所担任的，点解以前D巫师的地位咁高呢， 就系佢掌握住国家重要的事，佢所养的蛊系有实的军事用途的上面所讲蛊同计数点解会扯上关系呢。

每一次出去打仗的时候，带D蛊出去的时候就要计算几多蛊，呢种一千蛊，果一种二千蛊，即系几多个放毒单位，如果社会进步的就用固，重系在未发达的社会就用蛊，蛊，蛊就系放毒单位，固就系布算单位，两样野都系咁重要，所以呢个蛊就可以理解为重要的事情，但系在呢度系表示系坏事，蛊系「勾」出黎的，即系D对象摆系度好耐唔郁佢，自然人会「勾」出的虫亦即系无事生事，而且生出黎的系坏事，呢度的象势系山下有风，风系可以舒发，疏通万物，现在风受阻于山下得唔到风的流通，就自然万物都生虫，而呢D虫就系蛊，所以呢个卦名叫做蛊，另外从卦体黎睇，艮阳卦在上面 ，巽阴卦在下面，又从个爻住黎睇艮同巽都系阳爻在上面阴爻系下面，成个卦就系阳卦阳爻在上面阴卦阴爻在下面，在64卦里面独一无二的， 刚柔不交，上下不接，上下不通，阴阳不交，长期闭塞，所以就有生虫之象，果D虫就叫蛊。

本来蛊系积塞不通，无事生事的意思，点解又元亨呢，原因就系物极必反，生虫到忍无可忍的时候，自然要黎一次大清洗，而呢个元亨，其实就系清洗之后环境，元亨亦代表事情的本质系好的，呢个卦的背景系话商王朝己经生晒虫勒，现在要博佢清洗，呢件工作的本质就系元亨，出发点系好的，利涉大川，呢度唔系解可以过一条大河，系解一个过程，一个好艰苦的过程， 但系利，都可以渡过，虽然过程好艰苦，但系都可以可渡过，几时开始呢，就在先甲三日，后甲三日，以前一定系用干支黎计算日子，先甲三日就系辛日，后甲三日就系丁日，呢度的先三日后三日系之前的三日，系行动之前的部署，后三日系行动之后的总结。

彖曰：蛊，刚上而柔下，巽而止，蛊。 蛊，元. 亨，而天下治也。 利涉大川，往

有事乜。 先甲三日，后甲三日，终则有始，天行也。

蛊系卦名，刚上而柔下，系卦名的解释，艮刚阳在上，巽阴柔在下，上爻刚，初爻柔，上下不交，隔绝不通，所以生蛊，巽而止亦系卦名的解释，��的性质软弱柔顺，遇事犹疑不决，又有因循苟且的习惯，又被阳卦艮所阻碍，所以话巽而止，即系话乜野都做唔到，好多外在因素阻碍，D事情不断积压，唔去清理或清理唔到，所以后面加咗一个字，变成巽而止，蛊。

蛊元亨而天下治，蛊就系已经生咗虫，元亨，有大条道理去进行清理，大清洗系啱的，呢度包括咗夺权，排挤，只不过系站在自己的立场黎睇，令到呢D夺权，争斗，变成咗正面的事，天下治即系霸占咗个地盘，但系要达到斗争之后而霸占咗人地个地之前重要经过下面的艰苦的过程，唔系白得的，所以我地成日话事无好同坏的，只不过系立场唔同啫，呢度重要经过涉大川， 往有事，涉大川我地知道乜，至于往有事即系明知系好难好艰险都要去做，往系去，有事就系明知㗎嘞，利涉大川，往有事也，就系明知好烦，但都要去搅掂佢。

先甲三日，后甲三日，终则有始，天行也。 甲系一个开始，呢度只不过系话在一段时间里面，终则有始即系光咗就一定有一个开始，好似天黑之后就到天光，天行也，天的运行，系唔会变的。

象曰：山下有风，蛊，君子以振民育德。

风吹至山下受阻，不能��通，变成闭不通，想做的事完全做唔到，D事多到搅极都搅唔掂，解决唔到就生蛊。 加子以振-尼育德，好多阻滞，但系唔好气馁，振即系奋，育系教，呢度系孔子的理论，佢话有挫折唔使惊，我教你以平常心黎对待，呢个育德就系唔好用戾气黎对问题，我地知道孔子的立场，所以呢度的解释系用长时间去化解问题，振奋民心之后去教育佢地，或者教育佢地点样面对困难，你真系唔系需要长时间，占到呢一卦。

问前程：就一定困难重重，呢度的重重系讲积习，如果要无问题都得，就系将D问题立刻解决，例如有一句名言：就系唔好俾俾D文件经过只手两次。

问婚姻：表示好多小问题积聚变成大问题，呢个卦象系山下有风，风受山阻，不通之象，所以无论结咗婚或者未结婚都要多沟通。

问事业：做老板的就表示有问题要立刻处理，同要把握时机，时间性好紧要，所谓先甲，后甲，如果打工的，有唔满意的一系就离开，一系就要提出改革，唔好积，积积埋埋就有问题。

初六：干父之蛊，有子，考无咎，厉，终吉。

蛊呢度解事情，干父之蛊，做老豆所做的事，有子，有个仔可以继乘父亲的事业，考就系父亲，无咎，无问题，厉，好难做㗎，虽然好难，但系都搅掂，终吉，原来老豆做 开的生意或者事情已经搅「弯」咗的，现在个仔接手，老豆就甩咗身，考无咎勒，但系要搅番掂都要好长时间，点解话要好长时间呢，因为呢个卦每一爻都讲父子的关系，即系话一代做唔好，就要留番下一代，所以呢卦的改革，系唔急得的。

象曰：干父之蛊，意承考也。

接咗老豆的事黎做，但系呢档系栏摊子，即系话你接手的时候已经生虫，所以个老豆几恨个仔接手，点解上面话想改革，但系唔急得呢，因为呢档野生虫唔系一朝一夕的事，已经生咗虫好耐，所以唔系短期可以做到的，呢度的意考系顺老豆的意思，根本唔系自愿的。 占到呢一爻问前程就表示无舒服，问婚姻有问题都系上下两代的问题，最主要就系唔搆通，应该系女人的问题，例如婆媳问题，问事业就表示已经生虫，要改亦唔容易，放弃好过。

九二：干母之蛊，不可贞。

上面话继承父亲的事就终吉，呢度继承母亲所做的野就唔妥，点解，因为唔系大事，母亲所做的野系屋企里面的锁事，继承父业就好勒，因为父亲做的系大事，母亲做的系锁碎事，如果个仔系钟意补衫，煮饭，就会俾人认为无出息，如果学老豆出去做生意就高兴勒，就俾人认为有志气，男儿志在四方，唔会理会果档摊系唔系已经生虫或正在欣向荣， 所以可以証明当时完全系一个父系掌的社会，绝对唔系母系社会，所以继承母亲所做的事就不可贞，无出息，上面用考，可能父亲已经死咗，但亦有未死而用考的，呢度用母而不用妣呢，就肯定母亲未死，所以呢度摆明系唔俾面。

象曰：干母之，得中道也。

虽然学母亲做的野或者继母亲所做的野系被认为无出息，但系都唔系太差，点解呢，因为虽然唔系大事，但亦唔系坏事，得中道也，得中即系下卦阴卦之中位，得中都唔会衰得去边。

占到呢一爻问前程：就要留意跟个老细系男定女，如果系男的就一定好多问题，好多棘手的问题，如果系女的就虽然唔会有乜野大计大发展，但系就好平稳，因为孔子话干母得中也。

问婚姻：听老母话就好过听老豆话，同时有问题出现就唔好请教男人。

问事业：就一定要请人就请多D女人，因为呢度系阴卦的中位，所以女性得中，唔会太差。

九三：干父之蛊，小有悔，无大咎。

继老豆所做的大事，小有悔，会有D错，但系无大问题，无大咎，会有做得唔好的地方，点解会做得唔好呢，因为无人帮，同时亦因为作风问题，就系太硬勒，因为九三呢一爻又无比又无应，一味识得用强硬手段 ，得唔到阴相比的手段，孤军作战，因为成个爻词系讲接老豆果档摊，呢档野已经生咗蛊，无人帮你，而自己的态度又唔好，因为阳爻无应就过于刚硬，所以就有悔， 但唔紧要，呢个困局好短啫，小有悔，无大咎，最后都会成功的，但系可能损耗的资源太多，究竟值唔值呢，所以呢一爻就悔同咎一齐出现。

象曰：干天之蛊，终无咎也。

依照自己的意思去做，唔好被人所左右，呢度话终无咎也，终于都搅掂，终于，即系话身水身汗之后终于都掂咗，包含咗付出的代价好大，要整理上一代遗留落黎的问题，最后会成功的，但会唔会耗费的资源太多呢，爻词同象词都无话到值唔值得，佢不过系将一件事讲出黎。

占到呢一爻问前程：就表示付出多收获小，唔系多劳多得，唔成正比。

问婚姻：就困难重重，但系都会成功的。

问事业：创业就唔好勒，因为打到江山都未必系好的。

六四：裕父之蛊，往未得也。

往见吝，吝就系挫折，有棘手野，裕，宽裕，宽松，上一爻手段太硬，呢一爻就宽松，对上一代遗留落黎的问题，采取宽的态度，跟住后面话往见吝，见字同现字相通 ，即系往现吝，对上一代或者上一手遗留落黎的问题探取宽容，放任姑息，唔计较的态度，迟早会累死自己，往现吝，一定有更大的灾难出现，往现，即系耐就越有大问题出现，吝，卒之越黎就大件事， 六四系阴爻，以怀柔手段系啱的，呢D系太平盛世就好，就受欢迎，但系呢度系蛊，已经生晒虫勒，再柔和，就一定返转头害返自己，现吝。

象曰：裕父之蛊，往未得也。

有蛊，再用裕的态度，只有更增其腐败，往未得，一路都唔会成功，你唔改变呢种态度，只有一路衰落去。

占到呢一爻问前程：就表示以前的作风，态度唔好，就一定要转变，唔好再用番以前果一套。

问婚姻：离婚就好，结婚就唔好。

问事业：执笠就好，因为已经生晒蛊，创业就唔好。

六五：干父之蛊，用誉。

做老豆的事，用誉，用番父亲的名誉黎做，用番佢个名黎做，呢度解用番父亲的手法黎做野。 干父之蛊，之后裕父之蛊，跟住又系干之蛊，干系好认真，好紧张，女投入咁样去做，裕系好松散，好优游，完全唔紧张，更加唔投入，所以的爻词吉凶就话终吉，无大咎，都 系好的，但裕呢就唔同，往见吝，呢一爻又系干，用誉，大部份人都解释为照老豆的手法去做，或用番佢个名去做，其实都无理由，点解唔啱呢，因为呢一个卦系蛊，生虫，既然生咗虫， 你重要照方式去做，佢个名已经臭晒，你重要用番佢个招牌，唔衰攞黎衰，无理由，有脑的都唔会咁样，所以话D书唔系照抄就真系擘大眼讲大话，其实成个卦上到黎第五爻，最好的位，即系话佢已经 搅掂咗，呢个干唔系好似其他爻的解释，承接老豆果盘生蛊生意，或事业，而系干掂咗，将个栏摊子搅番掂，本来系好的，但系佢系六五爻，阴居阳的至尊位，就用誉勒， 将D功劳俾番老豆，或者将D功劳归番上司，总之自己唔居功，点解自己做成功一件事都无功劳呢，就系因为自己只系得中，唔系得位，所以就算有功劳都唔敢去领，睇埋个象词。

象曰：干父之蛊，承以德也。

咁辛苦去搅掂上手或上一代留落黎的栏摊子，都唔居功，完全系对佢好，承以德也，系唔计较的。

占到呢一爻问前程：就要低调，千祈唔好争住居功。

问婚姻：就一定要以对方为重。

问事业：就一定要不畏难。

上九：不事王侯，高尚其事。

不事王侯，有王侯提携「带怯」提拔都唔接受，高尚其事，自以为好清高，我搅掂晒果D麻烦野，你要多谢我，提拔我，我都唔接受，我系为理想而做的，唔系为报酬而做的，自以为好高尚，孔子对呢一爻 䂚列国，实际上系推销佢果套儒家学说，一路捱饥抵饿，三千弟子得番七十个跟住佢，无一个诸侯个肯要佢果套野， 孔子一生向权贵推销，当佢见到呢一爻，不事工侯，可以唔卖王公贵族的账，孔子好羡慕，所以佢写个象词完全表达咗佢的心事。

象曰：不事王侯，志可则也。

唔使睇王公贵冑的面色，何等逍遥自在，羡慕到死，志可则也，则系准则，即系话佢的行为可以作为后世的准则，高尚的标准。

占到呢一爻问前程：就真系无也，因为呢个人唔识变通，一味死牛一边颈。

问婚姻：就要实际D，唔好净系讲理想，满口理想，懒高尚懒有骨气的人，千祈唔好拣佢。

问事业：就一定要脚踏实地，样样都要讲实际。

睇晒成个蛊卦，前人利番落黎的烂摊子，了解咗因乜事，蛊，就系D食物放得大耐而无好好处理佢而令到生虫，只系尽去搅番掂佢而完全无埋怨，即系话谴责过去系无意思的，主要系着眼于将来 ，亦都为自己提供一个一展抱负的机会，所以蛊卦所俾我地的启示就系展望将来，同埋自己能力的表现，例如初爻系讲自愿去干父亲留落的蛊，意承考也，到六五承以德也，都围绕住「 你搅唔掂咩，我黎帮你啦」，到上九就功成身退，而不居功，所以成个蛊卦的意念系正面的。