《易经》第十九卦【临】地泽临#

临：元亨，利贞，至于八月，有凶。

地下有个水泽，如果对个卦象的意思，就唔系几好，但系成个卦象黎睇，佢的发展潜力唔错，点解呢，因为地泽临呢个卦由地雷复一变而变成地泽临，再变就变成地天泰，因为个阳气一路上升，所以呢个地泽临亦系一个等候机会的卦，代表咗不宜「鲁莽」行事，因为会大有前途一路发展，所以要等待，元亨，呢件事的本质系好的. 利贞，适宜于从事，呢件事的本质系好的，正常系亨通的，所以适宜于进行，不过到咗八月，就会有变化，呢个变化系唔好的，重系好大的唔妥，所以话有凶，好大的唔妥，呢度的八月实际上并唔系现在我地用的历法，而系周历，呢度的八月并唔系现在的八月，每一个朝代的正月都唔同，现在的历法以寅月做正月，商代的时候就系以丑月作为一年的正月，等于现在的十二月， 周代就用子月黎做正月，即系现在的十一月，所以周历的八月就系现在的六月，相差两个月，我地现在所用的历法系夏历，夏朝的历法，所以农历又叫夏历，在中国现在重有用商历的，就系在中国的西南方的夷族，名叫西南夷，呢个西南夷就保存住商代的文化，所以在商历黎讲八月就系现在的七月，在周历黎讲八月就系现在的六月，六月系夏天的尾， 佢呢度话至于八月有凶即系现在的六月，当你由春天开始做野做到一半就有凶勒，一年的中间就系夏天尾，做一件事做到中间，或者做到一半就有凶，有问题。

呢度唔好执着于八月，更加唔好解成中秋，要理解成半路中途，另外照卦象理解地泽临系代表十二月，由十二月一路数到八月，由临变成观，卦形同临卦相反，系临卦的综卦，所象征的意思都相反，由阳气开始上升，至阴气大盛，表示开始交厄运，前途越来越唔乐观。 点搅呢，睇埋个彖词。

彖曰：临，刚浸而长，说而顺，刚中而应，大亨以正，天之道也，至于八月有凶，消不久也。

呢度解释个临卦，刚浸而长，地下有泽，泽在也下，两个阳爻在四个阴爻之下，浸者即渐，刚浸而长，即阳爻由复卦一阳生至临卦阳爻渐渐成长，呢度解释个卦名，说而顺者，内 卦说而外卦顺，兑即说，坤即顺，兑系阳爻一路前进，但系进取而不过份，好有分寸，唔会因为自己进取而排挤人地，所以说而顺，亦即系兑而顺，刚中而应即系九二系下卦的中位，同六五的阴爻相应，所以话刚中而应，同时呢个九二亦都系成卦之主。 有五爻同佢相应，所以跟住就大亨以应，天之道也，呢句说话系孔子用黎解释个卦辞，开始的元亨利贞的，孔子认为，刚浸而长就必然系天道，亦即系自然的规律，天之道也，天之道的定律定系阴阳消长，呢D既然系自然的规律，人只有顺应，唔能够违背，更加唔可以改变，呢个消长唔系一面倒的，好可以变衰，衰亦可以变好，至于八月有凶，消不久也， 呢个主要系消不久呢句，呢个临卦主要系阳长阴消，呢度话消不久，即系话阳长系有个极限的，极限在边度呢，就系在八月，睇番吓个十二消息卦，由一月地雷复去到八月天山遁，就由阳长阴消，变成阴长阳消，所以话到咗八月就唔同勒，呢件事系好的到咗就会变成衰，如果呢件事系衰的，到咗八月就会变好，即系话到咗半路就会有变化，呢的变化系唔可以改的，但系唔怕， 我地已经预知，预知就可以预防，避免损失，点解可以呢，因为天之道。

象曰：泽上有地，临。 君子以教思无穷，容保民无疆。

呢个系卦象，泽上有地，即系地下有泽，临，以上临下，以大对小，就叫临，我威过你咁多，我黎探你就叫临，所以有光临之句，有莅临，你黎就令到我好有面或者有利益，先至叫临，呢个临的 背景系武王发发动全国之力去攻打当时已经系危危扶的商王朝的纣王，有以大压小，以强凌弱，君临天下之势，但系孔子话唔啱，咁样唔好，因为孔子系孺家学说的始创人， 主张以怀柔手段去收服人，所以话君子以教思无穷，以德服人，唔用刑罚同强制手段，容保民无疆，容保就系包容，无疆即系无限，用手段去分化，包容果D唔听话的人，唔使用征服的。

占到呢一卦问前程：就系好的，因为自己的力量一路路增加，一路强大，但系要小心中途有挫折，要用怀柔的手段去处事，唔好恃大，如果用柔的手段就好似阳爻咁咁一路慢慢升，如果用强硬的手段就好似阴爻咁一路退，所以呢度问前程就决定于所用的态度。

问婚姻：亦系好的，阴阳相应，阳长阴消，初初就呢一个话事，整整吓就变咗另一个话事，都系好的。

问事业：以上对下就要跟贴，唔好有隔膜，有量度就好勒。

初九：咸临，贞吉。

点解呢，咸临，首先要讲吓个临，临系乜，临唔系聚众，反而师卦，同人卦，或者比卦等等就系聚众，呢度的临有聚众的意思，不过呢度的聚众系成班人集合商量一件事，讨论一件事，即系现在的开会，呢度的临系临事，有件事要处理就叫临，亦都包括咗开会果个组织者，即系话亚头，商量呢件事的亚头。 咸临，贞吉，临就系有事，咸就系理事，乜野事都理的就叫咸临，事无大小，湿湿碎碎的事都要理埋一份，就叫咸临，之所以贞吉就系样样都理得好妥当，无人投诉，点解要样样都理呢，因为啱啱开始，所以样样都要临，即系现在的亲临其事。

象曰：咸臨貞吉，志行正也。

事無大小，一手包辦，應該就好辛苦，同時亦都係唔討好的，樣樣都理就會得罪好多人，又辛苦，又得罪人多，都重貞吉，呢度的既貞吉，係既貞且吉，點解貞吉呢，因為志行正也，就係自己企得啱，因為陽爻陽位，自己的立場無錯，所以唔怕辛苦，唔怕得罪人，自己的立場啱，都唔夠，重要有靠山，初九同六四相應，陽陰相應，就叫正應，所以咸臨貞吉之後，跟住志行，自己係啱的，跟往正也，正就係正應，只要係啱的就去做，唔使驚，有靠山，武王發要發動全國之力去打紂王，好多人唔贊成，果Ｄ既得利益者反對，但係武王發一於志行正也。

占到呢爻問前程：就要唔好畏難，楂實自己的宗旨，只要堅持就一定有收獲。

問婚姻：就要自己觀察，唔好靠人地講。

問事業：就真係要親臨其事，不宜假手于人，呢一爻係辛苦之爻。

九二：咸臨吉，無不利。

同上面一樣，咸臨，兩個都係陽爻，地澤臨，澤兩個都係陽爻，初九係陽爻陽位，在易經義理裡面，重視正，正即係陽爻陽位，陰爻陰位，但係更加重視中，尤其是剛中，在五爻如果係陽的就叫剛中正，在二爻如果係陽爻就叫剛中，呢度的咸臨有兩個意思，一係感召的意思，用自己的影响力去感召其他人，呢一爻的背景係召集晒其他的諸侯去到一個叫做盟津的地方，再去就唔知道點樣，第二個解釋係「大家一齊」的意思，即係話都有發展的機會，所以呢一爻話咸臨吉，無不利，面對未知的環境要有信心就無問題，初九係行動的表現，九二係心理的表現，用意志黎感召。

象曰：咸臨，吉，無不利：未順命也。

利用自己的號召力，去到前線，一直都好好，無不利，但係跟住呢句話未順命也，即係話一路進行都好順利，點解未順命呢，呢度的未順命係未順五之命，呢個五係五爻，五係君位，至高的，我地唔好忘記呢個背景係周民族傾全族之力去攻打紂王的，在周的立場黎講，紂王係奸的，係負面的，但係佢仍然係天子，現在要去作佢反，即係違命，亦即係孔子話未順命也，亦即係話你所做的野，個天子，個五爻尊位係唔鐘意的。好多書都解釋唔到呢句未順命也，就係唔知道立場係不斷改變的。

占到呢一爻問前程：就係好的，但係要用誠意，唔好順人地的意思。

問婚姻：就唔好注重外表，就要靠心意。

問事業：呢一爻係剛中，所以就要堅持，只要堅持到底就無不利。

六三：甘臨，無攸利，既憂之，無咎。

甘臨係乜，有所甘的野就去臨，無所甘的就唔去臨，自己有興趣的就去做，甘心去做的野就去做，唔鐘意的就唔去做，揀野做，唔理果件事好定壞，自己鐘意的就做，就唔好勒，所以話無攸利，既憂之係武王發的事，因為呢一爻係講甘果個地方的侯黎咗先，所以呢度話甘臨，因為呢個甘民族係唔講乜野理想的，只係講鐘唔鐘意，所以實際對武王發黎講係無乜利益，既憂之，已經，既就係已經，憂，有預防，已經有防備，呢個人對我係無利益的，但係一早有預防，所以就無咎，但係如果無預防就有咎勒．有Ｄ書解釋成用甜言蜜語黎取悅臨的人，但係無得到利益，呢Ｄ解釋皆因唔了解商周之交的歷史，因為易經係反映當時的社會背景的。

象曰：甘臨，位不當也．既憂之，咎不長也。

點解甘臨唔好呢，位不當也，自己的位置唔啱，陰居陽位，同上爻又唔應，呢個亞甘黎到係對我無益的，既憂之已經留意住佢，有咗預防，就算有麻煩都唔會好耐，因為咎不長也。

占到呢一爻問前程：就要小心Ｄ話幫你的人，因為唔係真心的，一定要早作預防。

問婚姻：就一定要堅持自己的立場，同時亦要明白自己的位置，早作打算，就可以無問題。

问事业：呢一爻系讲合作的，但系合作的伙伴其中有D系奸的，所以合作伙伴一定要超过两个，如果只得一个伙伴咁样就要早作心理准备，但系独资就无问题。

六四：至临，无咎。

至临系乜，呢一爻集中晒的精神去做一件事，至，心无旁鹜去做一件事，就无咎，至系专心，六四阴爻正位，所以做乜都系好的，上一爻的历史背景系甘民族黎左，呢个甘民族令到武王发好唔放心，但系 现在系郅的地方的部族黎到，武王发知道佢黎到就乜都无问题勒，初爻的咸临同呢一爻相应，初爻乜都管，到咗呢一爻只系专做一样野，所以呢件事一定好的，无咎，无问题。

象曰：至无咎，位当也。

六三同六四都无咎，但系六三就要忧先至无咎，六四唔使忧都无咎，点解呢，因为六三位不当也，六四就位当也，阴爻阴位。

占到呢一爻问前程：就表示做黟一定要专心就可以成功，因为位正当，目标正确。

问婚姻：结婚就好，离婚就唔好。

问事业：就唔好转行，专一就好，创业就唔好，守旧就好，因为阴爻，阴主静，所以唔钟意动的。

六五：知临，大君之宜，吉。 知音智

在六三甘民族，六四的侄民族，现在呢个六五智民族，除左甘民族之外，其他民族都系好的，即系话有大部份的人系帮自己的，所以话大君之宜，大君，总领袖，总指挥，在咁的情形之下即系大部份的诸侯都企系自己呢边，所以对个总指挥黎讲又宜，又吉，呢个宜系得人和咁解，多人拥戴，所以吉，大部份的书解释为以智慧黎统治大地，以智慧黎君临大地，大君， 有德行的君主就应该咁样做，所以就吉，有D更加解释为明知个知，明知系咁的，国君够聪明，所以就吉勒，简直乱讲廿四。

象曰：大君之宜，行中之谓也。

呢个总指挥，大君，咁得人和，咁多人拥戴，点解呀，因为行中，系经过长时间的积聚，即系话得人和，得人拥戴，唔系一朝一夕得番黎的，行中即系得中，易经最注重得中，所以大部份卦主都系二，或五罼，呢度阴爻居阳爻至尊的位，点解又好呢，因为有二爻的阳爻同佢相应，所以本来系位不当都变成系好的，最主要就系有应。

占到呢一爻问前程：就一定要在平时做定功夫，积聚的人和，或者积畜D力量，到适当的时候对自己就一定有帮助。

问婚姻：就新不如旧，问离婚就唔好，问结婚就好。

问事业：做生意就要做群众的行业，即系要做热门的行业。

上六：敦临，吉，无咎。

敦就系厚，敦厚，忠厚，用好敦厚的态度，好诚恳的态度去领导一件事，或者处理一件事，就叫敦，所以临卦同上一次讲的蛊卦唔同，蛊同随又唔同，随就系跟人做野，蛊卦就继承上一代或上一手所做的野，到呢个临卦就唔系跟随，亦唔系继承，系自己领导，自己做领队，亲自去处理D事，不论大事小事，都要自己去理，所以同随的意义系完全唔同，唔好见到吉就以为好好， 因为就算吉都系好辛苦的，因为临，样样要自己黎，呢度的敦临，吉，就系你肯付出，而得的回就无咎。

象曰：敦临之吉，志在内也。

武王发带住D人去到盟津的地方，敦，即厚，多，即系现在的「叠友」，多到乜野程度呢，原来有八百诸侯，所以在后世的章回小说里面形容人强马壮，就用八百诸侯呢个形容词。 叠友，要做一件咁大的事，叠友系好的，呢一爻系阴柔至高之位，阴爻阴位，自己得位，但系已经去到尽，爻词话无咎，表示要有条件的，点解呢，因为人多就有纠纷 ，好难管理，所以象辞话志在内也，先搅掂左里边的问题先，所以呢一爻表面系吉，但系有条件的吉，呢个条件就系可以解决内部问题就吉，呢一爻话一多左或者大左，就会产生好多问题，

占到呢一爻问前程：就一定要拉拢的FANDS黎帮自己，

问婚姻：人多就意见多，一定要自己揸主意，唔好将自己的事俾人地同你出主意。

问事业：合作就好，独资就唔好。

总结成个临卦，卦体系两个阳爻在下面，开始阳气上升，有奋发的精神，有独立自主的意向，因为初爻同二爻的意思系一样的，呢D叫做同心同德，跟住甘临，侄临，知临，敦临，呢D阴爻的范围，开始问题多勒，帮自的人亦都越黎越多，最后孔子话志在内也，睇吓你点样去处理果D问题。 呢一卦系用以前的经验黎处理事情，志在内，系自己决定。