《易经》第二十五卦【无妄】天雷无妄#

无妄：元，亨，利，贞。 其匪正有眚，不利有攸往。

元亨利贞就系乾卦，呢一卦的外卦系干，乾为天道，元亨利贞系四德，而乾卦就具备咗四德（留番讲干至解），妄系虚，所以有虚妄，妄撞，鲁妄，无妄就系唔虚妄，唔妄撞，唔冲动，妄系虚浮，无妄系实，即系转虚为实，同时妄系非正道，无妄就系循正道，呢个卦辞系有正反两面解释，元亨利贞系正面的，乾卦于外，系天道，天道当然系正道啦，震为雷，震为动， 睇吓因乜而动，如果因天而动，即系顺应大自然而动，即系话应行雷的时候就行雷，应该出声的时候就出声，咁样就系正面的。 如果从负面黎讲，就系受人为的因素而动，不因天道而动，就变成其匪正有眚，有眚：现在的白内障，不利有攸往，因人为的原因而动，同时亦因私念私欲而定，变成不正，不正就有眚，有眚，有眚 在岛内不利有攸往，不利有所往，有眚亦系无妄的反面，因为有眚，只眼睇唔清楚，失去咗乾卦同震卦的意义，咁就无妄变成有妄，无妄系顺自然之势，系顺势，如果妄呢，就系逆势，妄求。

彖曰：无妄，刚自外来，而为主于内。 动而健，刚中而应，大亨以正，天之命也。 其匪正有眚，不利有攸往。 无妄之往，何之矣？ 天命不佑，行矣哉？

刚自外来，而为主于内系讲内卦震，震本来系坤卦，坤初爻变而成震，刚就系阳爻，刚自外来，系话呢个阳爻系由外卦乾而来的，坤卦初爻 变而成震，中爻变而成坎卦，上爻变而成艮卦，风水学上的乾坤生六子，就系呢度而黎的，但系仍然有D书写成乾生子，坤生女，希望抄书的时候都要经吓自己个脑。 刚自外来而主于内，主于内系讲内卦震，坤的初爻由外来，由外卦来，由坤变成震，主于内，系话呢一爻系卦主，系无妄卦的关键，孔子在呢一卦的彖辞提出咗卦主的问题，而在 其他卦里面都未有提过卦主呢个问题，但系有一个叫王弼的人在佢嗰本（易略例）里面加以推广，认为每一个卦都应该有一个卦主，后世都按照王弼的著作，每卦都按照卦主的思黎解释。 动而健，刚中而应，动而健讲内外两卦，刚中而应讲二，五两爻，内卦系震，外卦系乾，动指震，健指干，内动而外健，就系动而健，刚中而应就系九五刚中正，九五阳居阳位所以叫刚中，六二阴居阴位同九五相应，所以话刚中而应，无妄除咗二，五爻之外，其余各爻都无应，大亨以正，天之命也，大亨以正实际上系讲元，亨，利，贞，天之命即系天之道，亦即系自然规律， 其匪正有眚，不利有攸往，成个无妄卦系话唔好妄撞，冲动，定D嚟，其匪即其非，即系佢冲动的时候，有眚，有嘢蒙蔽住，在冲动的时候就自然有D嘢将 你蒙闭住，不利有攸往，总之你做乜野都唔掂，无妄之往，何之矣，天命不佑，行矣哉，就算你好冷静，唔动咁样去做一件事都未必会好，点解，因为周围的环境唔就你，所谓天命不佑，正所谓你无诚意去做一件事， 呢件事一定唔会好，你好有诚意去做一件事，但系呢件事都未必会好，就系要睇吓周围的环境就唔就勒，妄就一定唔好，唔妄亦未必好，在以下的爻词就有解释。

象曰：天下雷行，物与无妄。 先王以茂对时，育万物。

行雷的时候，唔会理地面上究竟系点，物与无妄，一个人喺佢冲动，发脾气，好鲁妄去做野的时候，佢系绝对唔系从利害关系着眼的，完全系意气的问题，所以成日话拣拍档的时候，一个牛精，一个阴沉，一定拣个阴沉的，绝对唔会拣个牛精佬做拍档，虽然牛精的人会好忠直，但系佢发起脾气上嚟系绝对无理智的，唔会理周围的环境，更加唔会理会个得失，利害，只会坏事， 但系阴沉阴湿的人就唔同，佢样样都为利益出发，绝对唔会为意气之争而破坏一件事，唔会物与无妄，先王以茂对时，育万物，呢度的先王唔系话死咗的王，茂系勉励，嘉奖，对系针对，方向性，顺应咁解，呢度的解释系要用赞美的态度去作为管理的手段，呢个伙记明明系做得唔系几好，或者甚至做错咗，唔好用责骂，唔好丙佢，应该用勉励，俾机会佢，俾D信心佢， 育万物即系收获，唔好用妄的态度，而要用茂的态度，即系多D勉励。

占到呢一卦问前程，就要有心理准备，会有好多枝节，样样都唔会咁顺利的，要做的野突然间就会横生枝节。

问婚姻：就要小心有小人破坏，会有好多闲言间语，结婚就好，离婚就唔好，因为离婚系一种妄的行为。

问事业：合作就好，当然系指诚意的合作。 打工就唔主张转工，因为呢一卦系应该以平和的态度处理自己的事。

初九：无妄，往吉。

初九系呢一卦的卦主，就系上面所话刚自外来而为主于内，成个卦的第一爻，阳刚初动，啱啱开始，相等于人之初，无妄，人之初，性本善，当然系无妄啦，妄系 乱咁黎，乱咁冲，妄撞，最初开始的时候，系样样都循规蹈距，好似初初入一间公司，返工又准时，放工又唔会早退，做野又唔会蛇王，呢个就系初九的无妄勒，所以就往吉，照住咁样做就一定好的， 但系实际情况就系一熟悉咗个环境之后就迟到早退，识得「吞扑」，呢一爻话最初的时候样样都好的，包括新婚啦，初相识的男女啦，但系呢爻的真正意思在个象词表现出：

象曰：无妄之往，得志也。

得志也，就系出自真心的，唔系初初入呢间公司我就表现得特别好，系要根本的本质系咁样做野，有D人去婚姻注册处入去的时候个男人拎晒D野，但系到签完名出黎的时候，就劈晒D野俾个女人拎，呢D就系妄，因为呢一爻系卦主，所以其他嗰五爻都系围绕住个妄黎讲的。

占到呢一爻问前程：自由度好细的，因为要好守规距，样样要揸正黎做，如果问卦者系想去某D地方做生意，咁占到呢一爻就本来系吉的都变成凶，千祈唔好睇见无 妄往吉就话一定好啦，去做啦，如果咁样就一定大错特错，因为依正嚟做，依正规矩嚟做系好的，但系有D地方一依正嚟做就死梗，易卦主要就在个变字。

问婚姻：就要衡量对方，做唔做得到长期保持得志也的态度，问结婚就好，因为往吉，如果离婚就唔好，因为离婚就唔继续去，所以就唔吉。

问事业：就表示可以创业，因为呢一爻系讲初初开始的，所以适宜创业而不适宜结业，同时亦不宜合资，因为呢一爻系孤身上路，并无同路人。

六二：不耕获，不菑畬，则利有攸往。

菑：知：开恳咗无耐的田，畬：余：开恳咗两年以上的田。

不耕获系乜，唔使好辛苦去耕种就有收获，唔使成日打理，唔使点出力就得到一块好的土地，如果能够咁样的你就去做啦，即系话事半功倍的野就可以去做，要睇清楚唔使付出太多的就可以做，不耕获，不菑畲，事半功倍，出小小力就有好大收获，尤有余力咁去做，就可以去，不耕获究竟好定唔好呢，睇埋个象辞就知道。

象曰：不耕获，未富也。

如果已经富咗呢，就唔使计较耕获，未富呢就要耕勒，呢度话不耕获，未富也，就系不耕而获就始终所得有限，所以就未富也，象辞就系补充个爻词的，唔好睇见个爻词话不耕获，不菑2017年15日，他就以为唔使做就有收获，但系跟住个象词话未富也，唔会好大收获的，凡未经努力D野，收获唔会好大，如果收获好大的，就一定无咁着数，无咁大只袷乸，世间上边度有不劳而获， 呢一爻系阴居阴位，而又有九五同佢相应，即系话有靠山，呢一爻系初九的延续，上一爻就好循规蹈矩，好乖，但系呢度开始要不劳而获，识蛇王，所以话未富也，不劳又点会有获呢。

占到呢一爻问前程：就教人「走精便」，出小小力收获多多，就唔好拣朝九晚五的工黎做，要拣D挑战性大，同埋有D冒险性的工先至啱。

问婚姻：如果未结婚的就多波折，因为到最后都好难达到目的，如果问离婚就好，因为不耕获，唔想再继续努力。

问事业：都系打工好D，因为打工就有得蛇王，如果自己做老板边有得俾你不耕获呢，世间边有不劳而获的生意。

六三：无妄之灾，或系之牛，行人之得，邑人之灾。

无妄之灾=突然出现的不如意事. 系=绑住

无妄之灾，呢度系解虽然唔冲动，都会得到灾难，虽然唔去招惹，但系都有灾难，呢个就系无妄之灾，呢个无妄之灾系点呢，或系之牛，已经绑住只牛，好稳阵，但系俾人行过，顺手牵牛，就系行人之得勒，就系邑人之灾，乡下人就损失，呢个爻词解乜呢，睇吓个象词。

象曰：行人得牛，邑人灾也。

虽然系唔冲动，但系无防范，因为无防范，所以俾人拖咗只牛，自己就有难勒，因为妄系解冲动，妄撞，鲁妄，无妄即系唔冲动，但系都有灾，因为未有防人之心，所以有一句话无妄之灾，呢D野唔关我事，唔系 我惹番嚟的，但系都累埋我，所以呢个邑人灾也，就系俾人累的，你都无做任何野，嗰D麻烦都惹到埋身，点解呀，就系因为你无防范，所以以有一句话瓜田不纳履， 李下不整冠，行过瓜田的时候就唔会踎低抽吓个鞋踭，经过李树下面亦唔会伸高手整吓顶帽，呢D就系预防，唔好俾人有机会地屈你，识得闪避，避嫌，邑人之灾就系唔识避嫌，呢一爻系讲俾人陷害，暗箭，唔系自己的镬都要自己孭。

占到呢一爻问前程：千祈唔好做好人，尤其是唔好做担保人，因为好容易俾人连累而招致损失。

问婚姻：就无乜好结果，未结婚就分分钟俾人挠墙脚，问结婚就唔好，离婚就好，因为属于你的野卒之都失咗。

问事业：如果失业问几时搵到野做就真系有排勒，做生意就唔好同人合作，因为外人有益，自己损失。

九四：可贞，无咎。

贞系长期性的，唔系短期的，唔系一阵间的，可贞，就系可以进行，长期去进行就无坏的。

象曰：可贞无咎，固有之也。

已经有咗的野就可以照住去做，固有，已经有咗的野，可贞一路跟住做落去，唔好节外生枝，上一爻做野有问题，呢一爻系主张唔动的，因为可贞，系解固守不动，以静观其事，九 四同初九应，但系初九系阳居阳位，所以可以往吉，只要自己无妄就可无咎，但系到咗九四就唔同，呢度点解要不动，直情系不可妄，可贞，就无咎，易经系讲究动静变化，初九讲动，九四要静， 点解，因为初九阳居阳位，阳主动，所以动就吉，所以有往吉的卦词，但系九四就唔同，阳居阴位，正式系不三不四，所以呢一卦的三四爻都系唔好的，因为四爻系阳居阴位，所以动就有咎，不动，可贞就可无咎。

固有之也，即系已经发生咗的事，唔使埋怨，亦唔使逃避，六三同九四系相连的，固有即系唔可以避免的，顺就可贞，就无咎，有唔开心的嘢，用平常心去对待就无事，正是「于福不求幸得，于灾不求苟免」

先至系君子之道，好似香港申办亚运咁，其实成功亦未必咁好，呢次唔成功亦唔使话人地用银弹政策，点点点，以平常心对即可。

占到呢一爻问前程：无论做乜都要坚持，一件事需要用到坚持的态度，可以想象呢件事绝不顺利，所以一定要贞，先至无咎。

问婚姻：就一定多波折，呢一爻表示女方对男方唔信任，如果女方提出离婚就会成功，如果男方提出离婚就唔成功，因为阳爻错位。

问事业：呢一爻系唔主张合作的，因为呢一爻主张坚持，唔系要人支持，如果打工就唔好跳槽。

九五：无妄之疾，勿药有喜。

无妄之疾，唔系自己攞番嚟的病，就勿药有喜，自己搵嚟病，就叫做妄疾，唔系自己搵嚟病的，就叫无妄之疾，乜野叫做自己搵嚟病，其实人周时自己搵嚟病，例如挨夜，太美味的嘢，好多好多嘢都系令到自己无病生病，唔系搵嚟病的病，就勿药有起，唔使食药就自己会好。

象曰：无妄之药，不可试也。

中国的药，防病的功能大于治病的功能，无妄之药，乱咁黎而得到的病，就非要食药不可，但系无乜事，就唔好乱咁食药，尤其是系补药，唔好听人话灵芝粉好就去食，沙鱼骨粉好又去食，每一种药都系好的，其实药无分良药或者毒药的，只要对症就系良药，唔对症就系毒药，呢度讲你都无病的，系咁猛咁食药，结果唔病食到病，所以话无妄之药不可试也。 所以有一句话：不药为中医，唔食药就系中等的医生，一系就搵个上等的医生，搵着个庸医开D药唔食好过食，不药为中医，唔使食药，等个身体自动发挥调节功能，自动调养番好，咁样就叫做中等的医，最稳阵的医生，所以叫做中医，所以最高明的医术就系防病，调理好个身体唔好俾病侵入，所以无妄之药就不可试也，你无去搵嚟病，就唔好乱咁食药， 有好多真系食补药食到周身病，其实呢一爻系话唔好用唔正当的手法去解决一件事。

占到呢一爻問前程：表示短期內會有麻煩，但係都會自動解決，所以唔使担心。

問婚姻：就唔好玩野，好容易弄假成真，包括婚前婚後。

問事業：無論高級低級都會俾人篤背脊，但係都無事，因為九五剛中正，篤唔入的，但會好唔開心。

上九：無妄行，有眚，無攸利。

無妄行，我的行為唔冲動，唔單止唔冲動，重眚添，眚就係檢討，檢查，周時咁檢討，觀察自己，但係都無攸利，點解呢，咁樣都無所利，無攸利即係無所利，已經無妄行，又周時咁眚察自己，都重無攸利，點解呢個上九爻咁樣呢，就係因為穩陣得滯，無妄行已經夠穩陣勒，重要有眚，步步為營，每做一件事都要兼顧前後左右，咁就叫有眚，太穩陣，太多顧慮啦，咁樣做野當然係無攸利啦，所以無妄行就要有自信去做，現在唔係做做吓又縮沙，已經無妄行重縮沙，就會無攸利，呢個有眚就係縮沙，所以中國的哲學，尤其是群經之首的易經係好講究中和的，好似呢度咁樣穩陣過頭又衰，冲動過頭又衰，所以要取得個中和之點。

象曰：無妄之行，窮之災也。

咁樣的動作，呢個無妄之行係包括埋有眚，窮之係乜，呢個窮唔係貧窮個窮，而係解做將一件事物研究到底就叫窮，追查到底就叫窮，所以有窮其理，窮根究底，窮即係盡，研究到盡，呢度話窮之災也，即係如果樣樣都要清清楚楚就反而唔好，每件事都追尋到底就未必係咁好，所以話災也。

占到呢一爻問前程：就會自己招惹好多麻煩，但係只要唔輕舉妄動，就無問題，所招惹的麻煩多數係口舌招尤，呢度教我地要有口德，同六三相應，六三同上九錯位，六三係外來之災，上九就一定係自招之災。

問婚姻：就算有問題，其實都唔係問題，因為係自己內部的事，同外邊無關係，所以好容易解決。

問事業：就表示對下屬要寬容，唔好太緊張，內部問題千祈唔好搵外人解決。

总结成个卦，无妄的根本意义系遵循规律，顺其自然，最初见到妄呢个词，系圣经里面的十诫的第八诫，无妄证，乱咁指证人地，由此可知呢个妄字系乱咁黎咁解，由初九好乖，六二开始识作反，六三惹祸上身，九四转而为低调唔乱咁黎，九五又不安于现状，到上九又试乱咁黎，所以呢一卦系宜静不宜动的卦，卦辞好清楚，动就有眚，不动则无咎。

呢一卦重有D同其他卦有唔同的地方，易经其他的卦内外爻的关系一定系刚柔相应就好，但系无妄卦就唔同，好似初九同九四，阳爻同阳爻就叫敌应，本来唔好，但系初 九就往吉，九四就无咎，六二同九五就正应，阴阳相应系好的，但六三同上九又系阴阳正应，但六三就有灾，上九就有眚，总之成个卦就系失惊无神一旧云，突然间会发生D野。