《易经》第二十七卦【颐】山雷颐#

颐：贞吉. 观颐，自求口实。

颐卦的卦象系两个阳爻包住两个阴爻，所以这个卦象好得意，个样子好奇特，因此被易学定要黎象征个口，上下两个阳爻代表上下唇，张大个口的形状，所以呢个 山雷颐卦的颐，就系耳朵下面，口的侧面，但系有一部份人解作下巴系错的，尤其是中国所出版的易经，大部份都将之曲解，一味识得引经据典，所引述的经典重长过自己对该爻词的解释， 几十本之中亦未必会有一两本系满意的，所以真系浪费好多时间，好似这里解为下巴就一定系错的，因为下巴同个口系两样事的，张大个口，阴爻代表空，代表无野，上下阳爻代表张大个口，所以就代表左食野，这个口合口开的部份，颐，贞吉，观颐，自求口实，点样叫观颐，自求口实呢，就系睇住人地食野的时候个口在动的动作，与其睇住人地食野， 倒不如自己搵的野摆入个口度，睇人地，食不如自己食，颐，贞吉，食野本来系好的，但系睇住人地食，倒不如自己搵野食，自求口实，搵的野塞实个口，唔好净系睇住人地食野，咁样就叫观颐，借用左呢个自求口实，作为籍口，就叫口实，系引申或者借用呢度的意思，本来呢个卦词的意见绝对唔系要黎做借口咁的意见，系与其睇住人地个口郁，不如自己搵D野质满个口， 个口实实在在有D野系度，睇人食野系无用的，咁就叫自求口实。

彖曰：颐贞吉，养正则也. 颧颐，颧其所养也; 自求口实，观其自养也. 天地养万物，圣人养贤，以及民; 时义大矣哉。

颐贞吉，颐即系食，食亦即系养生之道，即系个口张开合埋，有得食，养正则吉也，正常的饮食就系好的，所谓正常就系依照四时次序去食，例如夏至食狗肉呀，冬至食冬虫。

象日：山，下有雷，颐; 君子以慎言语，节饮食。

我们的腮帮有乜用，食野的时候会郁，饮食的时会郁，呢个象词就系叫你唔好成日郁，所以有慎以言，讲少D野就唔会郁，节饮食，唔好食咁多，个腮帮就唔会郁勒，所以呢一个就好重要的，颐卦的两个阳爻唔钟意变，如果占卦占到呢两个阳爻变亲就事情一定有变，一定有问题，可能系是非多开口，所以呢度的节饮食，唔系叫你减肥，而系叫你唔好成日郁个口。

占到呢一卦问前程：多数会因为不经意的言语而招致是非，以及与人多争执。

问婚姻：一定情投意合，因为颐是饮食，腮帮安上下郁动，一定要有默契，所以一定可以情投意合。

问事业：就一定要有人合作才好。

初九：舍尔灵龟，观我朵颐，凶。

你自己只灵龟就唔要，去睇我郁个口，咁就凶，有D解释话你唔食自己只龟，而黎睇我个口，呢个解释并不贴切，因为舍尔灵龟大抵在当时己有龟占，解释为你自己唔去占卦，而黎睇我个口郁，即系黎听我讲野，咁就认真不妙，即系话你自己无主意，无信心，去求人地俾意见你咁样系唔好的。

象曰：观我朵颐，亦不足贵也。

呢个象词就系话你失去左信心，自己无信心，所以呢一爻唔好的在那里呢，就系信心问题，因为无左信心，所以舍尔灵龟就系放弃左自己的专长，反而去求教那些得把口的人，点解话得把口呢，就系观我朵颐，我净系郁个口，乜都无做过，亦不足贵也无用的，呢个方式系唔得，系错的。

占到呢一爻问前程：就要自己靠自己，唔好乱听人言。

问婚姻：表示有人反对，因为口多意见多，变成好事多磨。

问事业：成功与否就有小人，因为有人多口。

六二：颠颐，拂经，于丘颐，征凶。

什么叫颠颐呢，颠就颠倒，即系掉转头，但系我们无可能将个头掉转的，掉转当然系唔好，无可能将个人掉转，颠系乜，颠其实系顶咁解，颠颐，擘到尽，将个口擘到尽，跟住拂经，呢个经系？ 骨位置，在山上，点解会在个山上呢，就系于丘颐，丘就系山，颐就系山顶对落，唔系山顶，半山左右就叫丘颐，呢度的画面就系上山途中，俾人敲脚骨，俾人拂经，咁样就凶勒，成个片段就系你擘大个口，岳高个头咁样上山，就冷不提防有人敲脚骨，呢度表示你得意忘形而遭到挫折，跟住征凶征即系去，或者往，亦即系中途凶，即你一件事以为好顺利的时候中途遇到挫折。

象曰：六二征凶，行失類也。

呢個失類，係乜呢，就係無伴，類就係同伴，失類就係失左同伴，點解會失左同伴呢，因為顛頤，因為你得意忘形過頭，大定一齊上山，你頭岳岳咁自己擒擒青咁樣行左上去先，所以敲腳骨就一定敲前面果個先，所以呢一爻一定要明白凶係凶在那裏，凶在失類忘形，凶在離群。

呢一爻問前程：就先喜後悲，切忌有小小成就，就得意忘形，離開舊時班老友，或者疏遠班一齊捱世界的拍擋。

問婚姻：就一定唔美滿，因為中途有波折，有人橫刀奪愛。

問事業：就要有人合作先至好，要留意有小人出現。

六三：拂頤，貞凶，十年勿用，無攸利。

拂頤係乜呢就係俾人摑一巴，兜巴星就叫拂頤，俾人兜口兜面摑一巴就當然係唔好，貞凶，所以進行事情就一定有問題，呢件事係唔好的，但係唔好到乜野程度呢，唔好到十年都勿用，呢個十年唔係真係十年係代表一個好長時間都有問題，無攸利即係無所利點解佛頤會貞凶呢，即係擺明唔俾面，好長時間都未復完，無條利即係有損失，究竟點樣解呢，睇下個象。

象曰：十年勿用，道大悖也。

因為你完全違背左個正常的道理，你所進行事情的手法不正當的，唔正常的，用Ｄ唔合乎道的手段去進行一件事，就會好耐都攪唔掂，成個卦裏面呢一爻係最唔好的，同時呢一爻係卦主，點解黎到呢一爻就會變成唔好，甚至乎最差呢，因為呢一卦象形個口，口中間應該係空的，現在有個陰爻係度，等於開口昅著利，所以就唔好的。

占到呢一爻問前程：就一定要以正道去處理事情，唔好耍手段，因為如果失敗一次就有排都翻唔到身，唔好走捷徑，唔好走後門。

如果問婚姻：就有問題，表示呢段婚姻係有目的的，會用Ｄ唔正當的手法去得到呢段婚姻。

問事業：如果開創就唔好，因為會有好多意見，會有唔兌現的諾言，會有人應承左好多野，但係做唔到，但係如果問退股就好，進行就唔好，退出就好濁濁。

六四：顛頤吉，虎視眈眈，其欱逐逐，無咎。

六二個顛頤就俾人遐腳骨，但係呢個顛頤就吉，點解呢，點解呢個岳高個頭就會好呢，因為虎視眈眈，其欲逐逐，就係危險唔係來自下面，六二個危險來自下面，你岳高個頭，所以睇唔到，但係呢度的危險係來自上面，因為你岳高個頭所以俾你昅到，因為你上緊山，而又岳高個頭，岩岩俾你昅到，所以呢度講虎視眈眈，其欲逐逐勒，虎視眈眈就係見到隻老虎碌大隻眼望住你，其欲逐逐係點呢，就係隻老虎追緊Ｄ獵物，但係呢度重有另外一個意見隱藏左在裏面，就係執到死雞，你上山的時候，而隻老虎追緊隻獵物，而隻獵物走左埋你果度俾你捉左，其欲就係隻老虎的獵物，逐逐就係追趕緊隻獵物，隻獵物盲頭烏蠅咁中左埋黎你果度，俾你執左，就係表示伙心之得無意之中的收獲，就無咎，呢個顛頤係吉的，因為個結果係好的，雖然執死雞無咎，但係有凶險，因為在個老虎口度執死雞，所以有驚險，不過係有收獲，呢種收獲等於係炒外匯或炒期貨，都係在大惡口邊搵食，同在老虎口邊搵食一樣凶險。

象曰：顛頤之吉，上施光也。

讀試字音，光就係睇得清楚，施就係隻眼望住上面，睇得好清楚，呢度同六二的拂經于丘頤有所不同，拂經于丘頤征凶，就係因為你失左伴，所以顧住睇得上就睇唔到下，呢一爻就好彩，所以六四爻就有些幸運的成份，顛頤點解吉呢，因為上施克也，你岩岩望上面，而隻老虎又眈眈，眈眈即係向下望，六二之所以凶，因為佢失類，離左群，而呢度你無離群，雖然老虎的獵物俾你執左，但佢都唔敢郁你，就係因為你無失類。

占到呢一爻如問前程：就表示一定要夠膽，唔好退縮，唔好離群就一定有所得。

問婚姻：就要快，唔好拖落去，拖落去就會有變，唔好多多顧慮，又驚結左婚之後同父母相處得唔好，又話要買左樓先至結婚，咁樣諗得幾諗之後就一定有變卦的。

問事業：就一定要小心，麻煩唔係來自內部，而係外面的麻煩，千祈唔好低頭，因為有人眈眈，即係謀住你，所以絕不以示人以弱，對方就會知難而退。

六五：拂經，居貞吉，不可涉大川。

個腳骨俾人敲左一下，居就貞吉勒，唔郁，坐定係度就無事，不可涉大川，你仲去過大河，或者去做Ｄ危險的事，個？骨受左傷，涉水過河就一定唔方便，要做野亦都做唔到，所以叫你不可涉大川，呢度係講受左傷就不適宜再進行危險的工作，亦即係宜靜不宜動，亦不可以做超出自己能力的事，呢一爻有受傷害，或失敗之後要休養生息之意。

象曰：居貞之吉，順以從上也。

順以從上，從邊個呢，自己的位置係六五，從上就係從上九，呢個從上就係上九就係陰爻跟住上九就好，唔跟住上九就唔好，即係話陰爻代表地位低的，同小的，陽爻就代表貴的，代表強而有力的，即係話要睇住形勢，去跟住人，咁樣先至好，如果唔係呢，就居貞都唔得吉，重要從勢，然後先至會居貞吉，你不但止唔適宜動，連靜都要跟住個勢，要順勢，不可逆勢，唔出聲都重未得，重要順上，要睇人面色，點解，因為自己弱，因為自己係陰爻，所以要從上，跟住上面個陽爻，即係話形勢比人強，就只有順勢。

占到呢一爻問前程：就一定要搵一個大機構做靠山，或者進入一個大的行業，千祈唔好搵Ｄ公司仔或者冷門的行業。

問婚姻：認定一個就唔好多心，左揀右揀，因為形勢唔容許。

問事業：就只有守成，不可擴展，如要創業，尚非其時。

上九：由颐厉吉，利涉大川。

什么是由颐呢，由颐就系人地个咀点郁你就跟住人个咀点郁，咁就咁叫由服，亦即系附和，即系同一口径亦即系应声虫，自己永无意见，咁就系由颐，但系咁样就厉，厉者就系艰难，咁样做，无主意，完全听人地讲，当然形势唔系咁好勒，不过咁样做系吉的，利涉大川，咁就可以过大河，应付艰难的事，呢个应付艰难的事系人地去，唔系自己，所以就吉， 但系呢个吉系仰仗人地的，所以就厉吉。

象曰：由颐厉吉，大有庆也。

虽然系艰难，但系好的，大有庆，可以得到好好的好事，所以呢一爻讲要你随顺人地，唔好自己出主意，翻转头睇下颐卦个卦象，初二三都系唔好的，四五上就比较好勒，由四爻开始好，点解呢，因为我地个下巴同 腮帮郁的时候，上颛系唔郁或郁得少D，下题就郁得大D的，郁的辐度比上颛大好多，我地留意下食野的时候，上颛系唔郁的，只系跟住下面郁， 即系以整个颐卦来说，采取主动就唔好勒，被动果部份就好勒，所以占到颐卦就要小心，每一爻都要理解，呢个卦的意义，如果唔理解呢个卦的意义呢，只睇佢吉就讲吉，凶就话凶，咁就失左呢一卦的意义，所以成个颐卦就要理解呢个卦，就系你郁口讲野或者郁口食野，都要附和人地，系被动式的，唔系主动的，呢个系成个卦的意义，颐卦系擘大个口， 擘大左之后系下面昅上黎，呢个主动个部份三个爻都唔系好的。

占到呢一爻问前程：表示现在的运气唔好，凡事不要勉强，因为主动权唔系自己度。

如果问婚姻：可以成功，但无乜好结果，因为系被动的，好似奉子成婚咁，多数都衰收尾。

问事业：如果合股最好就唔做大股东，做小股东，如果独资就有挫折之后先至有收获，好辛苦个只，因为大有庆，但系厉吉。