《易经》第三十三卦【遯】天山遯#

遁系隐遁的意思，又有隐伏的意思，在社会上处事，绝对唔可以意气用事，在自己不得势的时候，或未曾轮到自己的时候，周围环境对自己不利的时候，最适当的策略系退避，好似系一种落后的举措，俾人一种唔够进取、唔够积极的态度，但在环境唔容许的时候或者唔岩时唔岩势，退避一阵，只不过系保存实力，保存自己的情，唔会受周围的污染，亦都可以话唔肯埋堆， 但系并无企在边一便的立场，一般的理解就系呢个世界立立乱，我地D清流君子，都系要暂时避吓风，头先，等到世界好番D先至再出来，在人生的过程中有进的时候，亦有退的时候，呢一卦系讲退的。 退系遁，系退隐，一般来讲有几种情况，一个亦都系最常见[的情况，就系在不利的情况之下，遭受到压力，唔退唔得，呢种系被迫的。 另外一种系无压力，唔单止无压力，重系处在颠峰状态，一生人最得意的时候，但系知道有盛极必衰的道理，识得见好就收，主动在权位最高，人生最得意的时候，把握时机，主动退落来，呢种系最难的，知进退，唔单止要聪明，重要有智慧，要舍得，要做到咁样，讲就容易，好多人都讲，我到左边个阶段就唔做勒，优哉悠哉去游埠，但系当佢去到曾认为系理想的阶段， 多数都唔记得，曾经订定的目标，如果你提醒佢，佢重当你傻的添，现在如日中天，叫我退落来，唔系讲笑卦，最多系呢一类形，尤其是系官场里面，肯自动退的人系极之少的，重有一种就系想退而不能退，例如好多商场上的名人，在商场打滚几十年，名又有，利又有，真系想优哉悠哉，但系D接班人唔争气或者无接班人，就欲退不能，另外就系有好多高官， 一早就想抽身而退，但系太多人跟佢搵食，一退亲下面果班人唔知点算，所以想退而不得，呢一卦系讲退的方法同时机，有一个好出名的占卜故事，有个亡国之君，姓勾名践，手下有个名将，姓范名礼，勾践俾夫差捉左去做人质，范礼多方奔走疏通，重连自己个老婆西施都送埋俾夫差，卒之放左勾践，继续帮勾践处理国事，经过十年生养，十年教育，打跨左夫差， 挂番越国的招牌出来，当然连西施都抢番来啦，成班大臣好开心，身为复国功臣梗系有排威啦，范礼搵当时最出名的占卜师蒙日，问前程如何，呢个亚蒙大师占到「天火同人」，岩岩想解「天火同人」呢卦的时候，个档口外面有一堆柴薪，叠得好高，当时有架马车经过，碰歪左最底果几枝，导致成堆柴薪塌左，亚蒙大师见到咁的情形，即刻将「天火同人」的初爻拎走， 换过第二枝，变作「天山遁」对范礼话，在一片歌舞升平之中隐藏左极大危机，即刻鸡咁脚，有咁快走咁快，范礼接纳左佢的意见，带住西施有咁远走咁远，改名换姓从商，成为富可敌国的富商。

遁、亨、小利贞、我在讲姤卦的时候，话一阴开始生，初爻由阴爻开始发展，系易经里面阴爻多数都系代表负面的野，可以讲成反对势力，开始形成，呢卦两阴爻在下面，代表左反对的势力越来越大，气势越来越盛，咁的情形就要考虑，暂时退避，亦都系卦名遁的原因，因为阴长阳消，唔走唔得，所以话遁，亨在呢种情形下，唔好指意做大事，做小的野就好，小系指预备工夫，系无即时利益的，因为呢度的退，唔系话退左就算，而系会番来的，呢个退避唔系负面的，唔系意志消沉而退，而系睇到个形势唔就，有备而退，所以卦辞话亨、而贞。

彖曰：遁亨，遁而亨也，刚当位而应，与时行也，小利贞，浸而长也，遁之时义大矣哉。 彖辞都几短，浸; 系逐渐。

遁亨，遁而亨也，遁即系退，退隐都可以亨，証明退唔系负面的，退系为左保存实力而退，刚当位而应，与时行也，刚系指阳爻，当位即九五，应即六二，即天时地利，九五阳居 阳位，刚中正，同六二相应，在退的时候，仍然保持住好有气派，唔会好似丧家之犬，「头谯谯」咁样走，与时行虽然离开左，但系都重好留意，好关心呢度的情形，唔系话退左之后就乜都唔做。 小利贞，浸而长也，我地睇吓临卦，两个阴爻在下，而个彖辞就刚浸而长，呢度遁卦两阴爻在下面，只系话浸而长实际上系柔浸而长，两阴 慢慢长，D负面的势力渐渐旺盛，系呢种情形之下，大事系做唔到的，只能够做D小的野，因为制肘越来越多，所以想做大事系无可能的，在呢种环境之下，有志难伸，属于时不予我的环境，不如暂时避吓锋头，跟住下面果句， 遁之时义大矣哉，觉得事无为，同自己唔岩KEY的势力越来越大，要走，但系几时走系好紧要的，早走，会俾人话无胆，迟可能走唔切，所以唔单止进的时候要拣时机，连退的时候都系要拣时机，好似买股票摸顶的时候，全世界都一片唱好之声，在呢种咁乐观环境之下要抽身而退，系要好舍得同埋好有智慧，先至得，但系相反捞底的时候，股价跌到你唔相信， 在一片悲观气氛中，在就来世界末日的时候，就将所有的资金投入捞底，就要非常的有胆量，所以呢度话遁之时义大矣哉进退之间的时间要掌握得好好。

象曰：天下有山，遁，君子以远小人，不恶而严。

恶，亘音，严系严格

呢一卦上卦系干，系天，下卦系艮，系山，山不论有几高，都唔能够接近天，但系在平地上面来望，山好似同天一样咁高，但系上到山顶的时候，山唔单止无好似个天咁高，个天 好似更加高D添，以为上到去可以摸到个天，但系又俾个天走左开去，就系天下有山、遁，君子睇到呢个卦象，受到启发，同自己唔岩key的人划清界线，呢度话君子远小人，君子绝对唔系代表好人，小人亦都唔系坏人，完全系立场问题，好似四人帮一早经定性系负面的，但系四人帮只得力马仔都可以攞大紫荆勋章，由此可以知道几千年前无善恶之分，几千年之后一样无，有的只系立场，你企乜野位，善恶系可以完全唔同的。 不恶而严，对D同自己意见唔岩key的人唔使黑口黑面的，只要唔俾机会佢就得勒，划清界线，表面上唔会讨厌佢，但系实际上个心，好憎佢，其实呢D系中国人的最大缺点，你同我唔同路，道同不相为谋，唔岩牙就系唔岩牙，使乜嘢不恶，摆出个唔系好fand，但系都唔会好憎恶，而严，私底下就好严厉咁样防范，无意思的，唔钟意就系唔钟意，使乜表里不一呢。

占到呢一卦问前程：表示来问卦的人有好多阻滞，为免增加损失，都系暂时停止，或者退出较为好D。

问婚姻：呢段婚姻唔系咁好，表示无带眼识人，你紧佢唔紧。 问离婚就好，问结婚就唔符合卦义，卦义系山越高而天越远，即系你越想黐埋去，佢就越要走开，所以离婚系岩的。

问事业：创业就肯定唔赞成，因为遇到有小小阻滞就产生退意，咁样的态度去打天下，简直讲笑，至于合作亦无可能，因为目标唔一致，意见成日都唔岩key，有乜可能会合作得成功，至于打工仔就一定要转工，因为在一个唔系自己的理想环境之下做野，肯定无前途，亦都唔会开心，所以一定要转工。

初六：遁尾，厉，勿用有攸往。 尾：系后边，厉：系为祸。

在成个卦来睇，初爻同二爻代表左阴暗面，代表反对势力，但系其实睇清楚六爻，根本就无分正面或者负面，更加无君子同小人之分只不过系讲六种不同的退遁的情形，同埋六种退遁的处境，在其他的卦都系以初爻为成个卦开始，但系遁卦就唔同勒，遁系讲退遁的，走在前的为先，好似上爻就系勒，以上爻为前，初爻在后面，所以初爻的初系尾，遁尾走得太迟啦， 现在先至走就真系厉，错过左最好的时机，勿用有攸往个个都走晒，走剩自己，横掂都走唔到，不如处之泰然，唔好意气用事更加唔好发芧。

象曰：遁尾之厉，不往何灾也。

失左先机，己经走唔切，走得到就梗系好啦，走唔到包尾大番，衰的已经衰晒，走唔走已经无分别，不如留低，可能重有D时机，呢一爻有一个好贴切的例，就系买左只股票，升到廿几蚊唔走，到现在四毛几，现在先至想走，太迟啦，不如唔走啦，都无乜得再跌挂，呢种情形就系不往何灾也。

占到呢一爻问前程：表示来问卦的人已经失左好多机会，唔应该再追求新的野，保持做番现时的事重好。

问婚姻：系一段吵吵闹闹的婚姻。 问结婚就好，因为错过左好多，卒之都搵到一个。 问离婚就唔岩爻义，因为点样唔满意都无得改变，继续喺埋一齐都无乜问题。

问事业：合作同独资做野都无乜好结果。 问转工就表示呢个人现在正衰运之中，所以唔应该转工。

六二：执之用黄牛之革，莫之胜说。

执：握，莫：不要，不能，胜：超过，说：脱。

执之用黄牛之革，用柔软的黄牛皮绑住D野，无讲绑乜野，但睇埋后面果句，莫之胜说：脱，就知道所绑的系一种畜牲，可以自动走脱就一定系马，呢一爻系讲已经退左勒，就唔应该成日放唔开，重成日挂住旧时D威水野，既然已经退出就唔好唔舍得。

象曰：执用黄牛，固志也。

执用黄牛，即系握住乜野都炼到实，唔会放手，黄牛的皮革系坚难断的，用来形容唔拾得的心态，固志也代表左执着，如果执着于自己的信念就好，但系呢一爻系讲退开左，就唔应该再提以前D野。

占到呢一爻问前程：表示来问卦的人唔知道呢个世界已经变左，或者佢无留意身边的环境已经改变晒，重执着于以前的风光，应该话俾佢听要重新开始，唔好再缅怀过去。

问婚姻：就系一段好隐阵的婚姻。 问结婚就好快成功，打风都打唔甩。 问离婚就唔合爻义，因为呢一爻系话紧紧捉实唔放，亦都唔接受新的野，所以问离婚就唔会成功。

问事业：独资创业或合资做事都系唔好的，因为守旧顽固的思想，对做野系无益的，打工仔就唔好转工。

九三：系遁，有疾厉，畜臣妾吉。

系：绑住，连接。

疾：系痛苦。

厉：系祸患。

畜：积聚。

臣：男性奴隶。

妾：女性奴隶。

系遁，退左之后，仍纠缠在以前的恩怨之中，重缅怀在过去的风光，有疾厉就会产生痛苦，重会带来祸患。 畜臣妾吉只在屋企颐养天年，或者做过第二样野重好。

象曰：系遁之厉，有疾惫也，畜妾吉，不可大事也。 惫：预备。

系遁之厉缅怀以前的野点解唔好呢，孔子话：既然离开左，就唔应该再唔舍得，亦都唔好恨，更加唔好睇见人地发达唔抵得，呢一爻系九三，在两个阴爻之上，在呢个卦里面阴爻代表反对势力，代表同自己唔岩key的力量逐渐强大，自己唔走唔得，既然系咁，就一定预左，有晒心理准备，好多人有咁的心理，做野做到好谷气，最常见的就系会计部得一个人的公司， 做得谷气就索性辞职，辞左工之后重好留意旧公司的情况，尤其是系以前自己做开的职位，请左个新的会计做唔做得掂呢，如果听见话两个月来已经换左三个啦，都搅唔掂，自己就会好开心勒，但系如果听见话现在呢个计都唔知几他条，一阵间就搅掂晒，就会觉得好失落，呢D心态就系系遁之厉，有疾惫也，要点样先至得呢，畜臣妾吉，不可大事也并唔系叫你养多D男女奴隶，而系叫你修心养性，畜臣妾吉系在屋企里面的事来的，在后面加左个吉字，即系话唔好理出面的事就好，跟住就话不可大事也亦都系一样意思，因为在男人外面就做大事，在屋企里面就梗系做小事啦，不可大事就好明显话唔好再出去勒。

占到呢一爻问前程：表示会有好多阻滞，做乜野都唔系咁岩，最好都系暂时隐伏，等到另一个机会好D，呢一爻最主要系人际关系无咁好。

问婚姻：系一段好多怨言的婚姻。 问结婚就唔成功的多。 问离婚就好容易成功，因为呢一爻系唔想留在呢个环境而要离开，所以问离婚就赞成。

问事业：合作就无乜可能，因为对方做的野会令你觉得好唔顺超，所以无乜可能合作，至于独资亦都有好多阻滞，主要系人事的阻滞，打工仔就要预备转工。

九四：好遁君子吉，小人否。

好：系美好。

君子：有地位的人。

小人：无地位的人。

否：系是否的否，唔系泰否的否。

呢一爻系表示在一片好境的气氛之中，突然间要退出，呢种情形好多人都觉得好唔抵得，我摆左咁多心机落去，将呢间公司搅到咁好，现在竟然过桥抽板，在有能力的人来讲，此处不留人，自有留人处，退得好从容，潇酒，但系并唔系好多人做得到，对于D无乜能力的人就觉得好唔抵，条气好唔顺。

象曰：君子好遁，小人否也。

虽然系不得已而退，亦能够从容无怨，唔会有D忿怨的态度，觉得留低都唔会再有作为，就唔应该再留恋，但系有D人就唔得，做唔到从容无怨，呢一爻话唔应该眷恋，应该采取断然的态度。

占到呢一爻问前程：表示来问卦的人，现在运气好差，无论自己做得几好，都得唔到认同，所以有不如意的事出现，唔使劳气，争取的野亦都好难如愿，所以要平常心来对待事情较好D。

问婚姻：唔系一段好的姻缘，因为一方面做得好好，但系都得唔到另一方的欣赏，就会觉得好劳气。 问结婚就要认真考虑。 问离婚就好快成功，既然合唔来，就不如好来好去重好D。

问事业：合作就无可能，因为谂野同处事的方式完全唔同，所以无可能合作，至于自己独资创业，就会好辛苦，因为身边无乜D有能力的人帮你，所以创业就艰难，打工就谂定转工好过。

九五：嘉遁，贞吉。 嘉：赞美。

在最高峰的时候退出，就会有好多人挂住你，一片赞美声中退隐，系一生人最高的荣誉，九五刚中正，处事有远见，唔会等到自己走下坡的时候先至退，出退的时候掌握得好好，就系彖辞里面话遁之时义大矣 哉，呢种的退就系嘉遁，能够做到呢个境界的人绝对唔会太多，因为人通常都会贪图眼前的风光，唔会谂会有泰极否来的道理，点解呢一爻又可以做得到呢，睇埋个爻辞。

象曰：嘉遁贞吉，以正志也。

以志正就系楂得定主意，思想正，行动先至可以正，要退的时候就唔会犹疑，掌握得个时机好好。

占到呢一爻问前程：表示有D好得力的人可以帮你，有D好信得过的人在你身边，如果你做生意的，甚至乎可以放心交低俾佢，自己可以去做第二D野都得。

问婚姻：表面上系一段好的姻缘，实际唔系俾人见到咁好，呢D最多出现在豪门的婚姻上。 问结婚就唔好。 问离婚就好，因为呢一爻的贞吉系让位就贞吉，其实系唔负责任，世人多数用美好的词句来解释呢一爻，因为误于贞吉呢两个字，所以呢一爻问离婚一定好过问结婚。

问事业：合作，创业都系唔好。 问结业问拆档就好，点样好呢，就系好来好去，唔会因为拆伙而闹上法庭，就认真吉，打工就快D转工。

上九：肥遁，无不利。 肥：绰绰有余。

肥遁系摆脱晒世俗的野，在其他的上爻无论系上九或上六，通常都有达到极点，过度，穷途末路，去到尽头的意思，但系遁卦就有小小分别，上九己经超出左「五」的君位，九四同初六应，九五同六 二应，在遁卦里面阴爻系负面的力量，即系九四同九五都俾D负面的野揃住，但系上九就唔同，无个阴爻同佢相应，象征超越晒一切烦俗的野，地位超然， 无实权但系地位名气就好高，越过咗一般的世俗烦锁，置身世外，又刚健，下面又无阴爻拖累，所以一副无罣无碍的姿态，悠然自得，能够做自己钟意做的野，呢种境界系世人所响往的，在各朝代赞美隐士的文章之中，好多时都引用肥遁呢个名词，在南北朝有个好出名的占卜家张有道替一个隐士阮孝绪卜卦，因为皇帝要搵阮孝绪做官，呢个阮孝绪好犹疑， 就搵张有道卜一卦睇吓前途如何，占到遁卦上九，就对呢个阮孝绪话：系已经离开晒D污秽的地方，现在再踩番落去系一件好愚蠢的事，因为官场系最污糟的。 由此可以証明上九已经抽离晒个D唔岩key的环境。

象曰：肥遁，無不利，無所疑也。

上九係六爻之中最好的，遁卦原則上係形容一個惡劣的環境，唔適合自己的，所以要退，負面的力量越來越大，上九的退係無野拖累佢，所以有一種超然的感覺。

占到呢一爻問前程：如果現在的生活好優攸的，就唔好急於搵野攪，但係問到呢一爻想問有乜野好做呀，就多數係食飽飯買飽的，如果搵朝唔得晚，佢就唔會占到呢一爻。

問婚姻：就係一段好姻緣，因為大家都唔會互相猜疑。問結婚就好快成功。問離婚就亦都好快成功，但係離左婚問再結婚就唔成功。因為已經離開左個老襯集中營，就无謂走番入去。

问事业：问合作如果自己唔使理野就好，到时到候分钱的就无所谓。 独资创业就唔好制，打工仔如果转新工就唔好，如果退休就好。

睇晒成个遁卦，每一爻代表每一个退的环境，处在一个唔适合自己的环境之中就要走，系明智之举，六爻之中都无凶象，但系只得上九就较为好D，初爻讲恶势力开始彭胀，但系走唔切，论论尽尽。

六二成日讲番旧时D威水野，既然已经退咗，都唔肯面对现实，实在可怜。

九三自己放弃咗又唔抵得人地发达，自己认为唔好的野都要人地认为唔好，自己做唔到的事亦都希望无人做到。

九四自己一手建立的成果都唔可以亨受，即系形势比人强。

九五就主张在最高峰的时候引退，美其名在掌声中引退，其实就系无能力再发展。

到咗上九就较为正面D。

呢一卦见到吉未必系真吉，其实成本易经都系咁样，吉都要睇立场。